Kandidattar 19-shy shaǵyn aýdanda turatyn kópbalaly otbasyna baryp, partiialyq baǵdarlamanyń áleýmettik qorǵaýǵa qatysty basymdyqtary týraly aitty.
– Qiyn jaǵdaiǵa tap bolǵan ár otbasy memlekettiń qamqorlyǵyn sezinýge tiis. Áleýmettik qoldaý sharalary belsendi túrde júrgizilip, naqty qajettilikke baǵyttalýy kerek. Biz ómir súrý qundylyqtaryna súiene otyryp, tabysy tómen azamattardy memlekettiń kepildendirilgen qoldaýymen qamtamasyz etemiz. Kópbalaly jáne tolyq emes otbasylar, múgedektigi bar adamdar úshin memlekettik jáne partiialyq qoldaý sharalary keńeitiletin bolady, – dedi kandidat Farhad Qurmanov.
Osy oraida aita keteiik, partiialyq baǵdarlamaǵa sáikes kópbalaly otbasylardy jáne halyqtyń áleýmettik osal toptaryn turǵyn úimen qamtamasyz etý maqsatynda «Bir qabatty Shyǵys» óńirlik jobasy aiasynda Óskemen qalasynyń turǵyn aýdandarynda bir qabatty úiler salý josparlanǵan.
Is-shara sońynda, amanattyqtar, kópbalaly otbasynyń ótinish-tilekterin tyńdap, nazarǵa alatyndyqtaryn jetkizdi.
