شقو-دا بۇزاقىلىق جاساعان سۋديا جازادان قۇتىلىپ كەتتٸ, دەپ حابارلايدى Dalanews.kz.
بٸر جىل بۇرىن ٶسكەمەن قالاسىندا مامانداندىرىلعان اۋدانارالىق ەكونوميكالىق سوتتىڭ تٶراعاسى ەرنار ەربولاتوۆتىڭ ۇستالعانى بەلگٸلٸ بولدى. باق مەلٸمەتٸنشە, ول كٶلٸكتەردٸ زاقىمدادى جەنە قۇقىق بۇزۋشىلىقتى توقتاتۋعا تىرىسقان ادامدارعا قارسىلىق كٶرسەتتٸ دەگەن كٷدٸككە ٸلٸنگەن.
سوت پروتسەسٸ 2024 جىلدىڭ جازىندا باستالدى.
شىعىس قازاقستان وبلىسى پروكۋرورىنىڭ ورىنباسارى ەرلان انداباەۆ Nege.aqsha-نىڭ رەسمي ساۋالىنا جاۋاپ رەتٸندە سوت وتىرىسىنىڭ باسىندا سوتتالۋشى ەربولاتوۆ پەن جەبٸرلەنۋشٸلەر تاراپتاردىڭ تاتۋلاسۋىنا بايلانىستى ٸستٸ توقتاتۋ تۋرالى ٶتٸنٸش بٸلدٸرگەنٸن حابارلادى. سوت بۇل ٶتٸنٸشتٸ ەرٸ قاراي سوت تالقىلاۋىن ٶتكٸزبەستەن قاناعاتتاندىردى.
«ايتا كەتۋ كەرەك, مەملەكەتتٸك ايىپتاۋشى ٸستٸ توقتاتۋعا قارسى بولدى. الايدا, 2024 جىلعى 6 تامىزدا ٶسكەمەن قالاسىنىڭ №2 سوتىنىڭ قاۋلىسىمەن ەربولاتوۆ ە. قىلمىستىق كودەكستٸڭ 293-بابى, 2-بٶلٸگٸ بويىنشا قىلمىستىق جاۋاپكەرشٸلٸكتەن بوساتىلىپ, قىلمىستىق ٸس قىلمىستىق ٸس جٷرگٸزۋ كودەكسٸنٸڭ 35-بابى, 1-بٶلٸگٸ, 12-تارماعى جەنە قىلمىستىق كودەكستٸڭ 68-بابى, 3-بٶلٸگٸ نەگٸزٸندە توقتاتىلدى», – دەپ حابارلادى پروكۋراتۋرا.
سوت شەشٸمٸمەن كەلٸسپەگەن پروكۋرور قاۋلىنىڭ كٷشٸن جويىپ, قىلمىستىق ٸستٸ مەنٸ بويىنشا جاڭا سوت تالقىلاۋىنا جٸبەرۋ تۋرالى ٶتٸنٸش جاسادى. الايدا, شقو قىلمىستىق ٸستەر جٶنٸندەگٸ سوت القاسى 26 تامىزدا بٸرٸنشٸ ساتىداعى سوتتىڭ قاۋلىسىن ٶزگەرٸسسٸز قالدىردى.
ايتا كەتەيٸك, قازٸر شقو مامانداندىرىلعان اۋدانارالىق ەكونوميكالىق سوتىنىڭ رەسمي سايتىندا تٶراعا مٸندەتٸن اتقارۋشى رەتٸندە باسقا ادام – تٶلەگەن تۇرعامباەۆ كٶرسەتٸلگەن.
