شىعىس قازاقستاندا جىل سايىنعى ەمحانالارعا تىركەۋ ناۋقانى اياقتالدى، ول 15 قىركۇيەك پەن 15 قاراشا ارالىعىندا ءوتتى، – دەپ حابارلايدى Dalanews.kz شقو اكىمىنىڭ باسپا ءسوز قىزمەتىنە سىلتەمە جاساپ.

شقو بويىنشا الەۋمەتتىك مەديسينالىق ساقتاندىرۋ قورىنىڭ ديرەكتورى دانيار يسەنوۆتىڭ ايتۋىنشا، ءوڭىر بويىنشا تىركەۋ ناۋقانىنا 25 العاشقى مەديسينالىق-سانيتارلىق كومەك ۇيىمدارى قاتىستى، ونىڭ ىشىندە 13 - قالالىق جەتكىزۋشىلەر جانە 12 – اۋداندىق مەديسينالىق ۇيىمدار.

– وتكىزىلگەن ناۋقاننىڭ ناتيجەسى بويىنشا، وڭىردە تىركەلگەن حالىق سانى 734 499 ادام بولسا، ونىڭ ىشىندە 600-دەن استام ادام تىركەۋ ناۋقانىنىڭ مۇمكىندىكتەرىن پايدالاندى. ەمحانانى ەركىن تاڭداۋ قۇقىعىن پايدالانباعان ازاماتتار بۇرىن قىزمەت كورسەتكەن امسك ۇيىمىندا تىركەۋدە بولادى، – دەدى دانيار يسەنوۆ وكق باسپا ءسوز كونفەرەنسياسىندا.

سونىمەن قاتار اعىمداعى جىلى تمككك جانە ءمامس پاكەتتەرىن قارجىلاندىرۋ وتكەن جىلمەن سالىستىرعاندا 15%-عا ارتتى.

– قور فيليالى جۇمىسىنىڭ باستى باعىتتارىنىڭ ءبىرى – بۇل حالىقپەن كەرى بايلانىس جانە پاسيەنتتەردىڭ قۇقىقتارىن قورعاۋ. 1 قاڭتاردان 31 قىركۇيەككە دەيىنگى كەزەڭدە قور فيليالىنا 741 شاعىم كەلىپ ءتۇستى، بارلىق وتىنىشتەر قارالىپ، تالقىلاندى، – دەپ تولىقتىردى سپيكەر.