SHQO boıynsha Áleýmettik medısınalyq saqtandyrý qorynyń dırektory Danıar Isenovtiń aıtýynsha, óńir boıynsha tirkeý naýqanyna 25 alǵashqy medısınalyq-sanıtarlyq kómek uıymdary qatysty, onyń ishinde 13 - qalalyq jetkizýshiler jáne 12 – aýdandyq medısınalyq uıymdar.
– Ótkizilgen naýqannyń nátıjesi boıynsha, óńirde tirkelgen halyq sany 734 499 adam bolsa, onyń ishinde 600-den astam adam tirkeý naýqanynyń múmkindikterin paıdalandy. Emhanany erkin tańdaý quqyǵyn paıdalanbaǵan azamattar buryn qyzmet kórsetken AMSK uıymynda tirkeýde bolady, – dedi Danıar Isenov ÓKQ baspasóz konferensıasynda.
Sonymen qatar aǵymdaǵy jyly TMKKK jáne MÁMS paketterin qarjylandyrý ótken jylmen salystyrǵanda 15%-ǵa artty.
– Qor fılıaly jumysynyń basty baǵyttarynyń biri – bul halyqpen keri baılanys jáne pasıentterdiń quqyqtaryn qorǵaý. 1 qańtardan 31 qyrkúıekke deıingi kezeńde Qor fılıalyna 741 shaǵym kelip tústi, barlyq ótinishter qaralyp, talqylandy, – dep tolyqtyrdy spıker.
