ەسەپتى كەزدەسۋدە وبلىس اكىمى دانيال احمەتوۆ شىعىس قازاقستانداعى اسا ماڭىزدى ونەركاسىپتىك جوبالاردى جۇزەگە اسىرۋ قالاي ءجۇرىپ جاتقاندىعىن ايتىپ بەردى.
ايماقتا الەمدىك دەڭگەيدەگى ءىرى كومبيناتتىڭ ءبىرى – اقتوعاي تاۋ-كەن بايىتۋ كەشەنىنىڭ قۇرىلىسى اياقتالىپ كەلەدى. وتكەن جىلى عانا كاسىپورىندا كەن ءوندىرۋ بەس ەسە ارتىپ، 16 ملن توننادان استى. 18 مىڭ توننا كاتودتى مىس ءوندىرىلدى. ءبىرىنشى مىس كونسەنتراتى اعىمداعى جىلدىڭ ءبىرىنشى توقسانىندا شىعارىلادى دەپ كۇتىلۋدە.
جاڭا تەحنولوگيالاردى قولدانا وتىرىپ باقىرشىق تاۋ-كەن بايىتۋ كومبيناتىنىڭ التىن كەن ورنىن دايىنداۋ جۇرگىزىلۋدە، تارتىلعان ينۆەستيسيا كولەمى -129 ملرد. تەڭگە. 2019 جىلى جوبا تولىق قۋاتىنا ەنەدى.
تولىق سيكلدى اۆتوزاۋىتتىڭ جانە اۆتوبولشەكتەردى ءوندىرۋ بويىنشا تەحنوپاركتىڭ قۇرىلىسى جالعاسۋدا. اتالمىش كاسىپورىن تۇرعىنداردىڭ ىشكى سۇرانىسىن قاناعاتتاندىرۋعا جۇمىس ىستەمەك.
2015 جىلدان زىريان اۋدانىندا قۋاتى 24،9 مۆت بولاتىن تۇرعىسىن سەس قۇرىلىسى جۇرگىزىلۋدە. 2017 جىلى ۇلان اۋدانىندا قۋاتى 24 مۆت بولاتىن تايىنتى جەل ەلەكترستانساسىنىڭ قۇرىلىسى باستالادى. اتالعان جوبالاردى جۇزەگە اسىرۋ 2018 جىلى ەلەكتر ەنەرگياسىن ءوندىرۋدى 48،9 ملن كۆت ساعاتقا ارتتىرۋعا مۇمكىندىك بەرمەك (2016 جىلدا جاسىل ەلەكتر ەنەرگيانىڭ ۇلەسى – 55 ملن. كۆتساعاتتى قۇرادى)
