Esepti kezdesýde oblys ákimi Danıal Ahmetov Shyǵys Qazaqstandaǵy asa mańyzdy ónerkásiptik jobalardy júzege asyrý qalaı júrip jatqandyǵyn aıtyp berdi.
Aımaqta álemdik deńgeıdegi iri kombınattyń biri – Aqtoǵaı taý-ken baıytý kesheniniń qurylysy aıaqtalyp keledi. Ótken jyly ǵana kásiporynda ken óndirý bes ese artyp, 16 mln tonnadan asty. 18 myń tonna katodty mys óndirildi. Birinshi mys konsentraty aǵymdaǵy jyldyń birinshi toqsanynda shyǵarylady dep kútilýde.
Jańa tehnologıalardy qoldana otyryp Baqyrshyq taý-ken baıytý kombınatynyń altyn ken ornyn daıyndaý júrgizilýde, tartylǵan ınvestısıa kólemi -129 mlrd. teńge. 2019 jyly joba tolyq qýatyna enedi.
Tolyq sıkldi avtozaýyttyń jáne avtobólshekterdi óndirý boıynsha tehnoparktiń qurylysy jalǵasýda. Atalmysh kásiporyn turǵyndardyń ishki suranysyn qanaǵattandyrýǵa jumys istemek.
2015 jyldan Zyrán aýdanynda qýaty 24,9 MVt bolatyn Turǵysyn SES qurylysy júrgizilýde. 2017 jyly Ulan aýdanynda qýaty 24 MVt bolatyn Taıynty jel elektrstansasynyń qurylysy bastalady. Atalǵan jobalardy júzege asyrý 2018 jyly elektr energıasyn óndirýdi 48,9 mln kVt saǵatqa arttyrýǵa múmkindik bermek (2016 jylda jasyl elektr energıanyń úlesi – 55 mln. kVtsaǵatty qurady)
