شىعىس قازاقستان وبلىستىق ءماسليحاتىنىڭ سەگىزىنشى شاقىرىلىمىنىڭ XX سەسسياسىندا وبلىس اكىمى نۇرىمبەت ساقتاعانوۆ وبلىس دامۋىنىڭ جوسپارىن ورىنداۋ جانە 2024 جىلعا ارنالعان وبلىستىق بيۋدجەت تۋرالى ەگجەي-تەگجەيلى ەسەپ بەردى، دەپ حابارلايدى Dalanews.kz
كەلتىرىلگەن مالىمەتتەر ەكونوميكانىڭ ەداۋىر جەتىستىكتەرىن، ءومىر ءسۇرۋ ساپاسىنىڭ جاقسارۋىن جانە بيۋدجەت كىرىستەرىنىڭ ءوسۋىن كورسەتەدى.
2024 جىل ءوڭىردىڭ ەكونوميكالىق دامۋىنداعى ماڭىزدى كەزەڭ بولدى. شىعىس قازاقستان وبلىسىنا تارتىلعان ينۆەستيسيالار كولەمى 116%-عا ءوسىپ، 770 ميلليارد تەڭگەنى قۇرادى. ونەركاسىپتە ءوسىم 103%-دى، اۋىل شارۋاشىلىعىندا – 109%-دى قۇرادى. ءوڭىردىڭ اۋىل شارۋاشىلىعى ءونىمى 459 ميلليارد تەڭگەگە جەتتى. قۇرىلىس سالاسىندا دا وڭ ديناميكا بايقالادى: كولەمدەر 114%-عا ۇلعايىپ، 400 مىڭ شارشى مەتر تۇرعىن ءۇي پايدالانۋعا بەرىلدى.
— ءبىزدىڭ ءوڭىرىمىزدىڭ ەرەكشەلىكتەرى مىنالار: ەكونوميكامىزدىڭ 40%-ى ونەركاسىپ، سونىمەن قاتار وڭدەۋشى ونەركاسىپتىڭ 70%-دان استامى «كازسينك» كومپانياسىنا تيەسىلى. الەمدىك كونيۋنكتۋراداعى وزگەرىستەر بولعان جاعدايدا تەك ءبىر كاسىپورىن ءوڭىردىڭ ەكونوميكاسىنا ەلەۋلى زيان كەلتىرۋى مۇمكىن. بۇل قولايسىز جاعداي، سوندىقتان ءبىز ەكونوميكامىزدى ءارتاراپتاندىرۋ بويىنشا بەلسەندى جۇمىس ىستەۋدەمىز، - دەدى وبلىس اكىمى.
ءىرى ينۆەستيسيالىق جوبالار اراسىندا «ۆوستوكماشزاۆود» وندىرىستىك قۋاتتارىن قايتا قۇرۋ مەن سامار اۋدانىندا التىن ءوندىرۋ زاۋىتىن سالۋدى اتاپ وتۋگە بولادى. الداعى جىلدارى شەتەلدىك ينۆەستورلاردىڭ قاتىسۋىمەن بىرنەشە جوبانى جۇزەگە اسىرۋ جوسپارلانۋدا، بۇل جاڭا جۇمىس ورىندارىن قۇرىپ، ينفراقۇرىلىمدى جاقسارتۋعا اكەلەدى.
اۋىل شارۋاشىلىعى سەكتورىنا ەرەكشە كوڭىل بولىنەدى. 2024 جىلى اگروونەركاسىپ كەشەنىندەگى 15 جوبانى جۇزەگە اسىرۋعا 22 ميلليارد تەڭگە ينۆەستيسيالاندى، ونىڭ ىشىندە زاماناۋي ءسۇت-تاۋارلى فەرمالاردى سالۋ بار. سۋارۋ جانە اۋىل شارۋاشىلىعى تەحنيكاسىنداعى جاڭا تەحنولوگيالاردى ەنگىزۋ اۋىل شارۋاشىلىعىن تيىمدىلىگىن ارتتىرۋعا ىقپال ەتۋدە.
«اۋىل اماناتى» باعدارلاماسى اياسىندا اۋىل تۇرعىندارىنىڭ تابىسىن ارتتىرۋعا باعىتتالعان جوبالار بەلسەندى قولداۋ تابۋدا. بيىل اگرارلىق باستامالاردى جۇزەگە اسىرۋ ءۇشىن 4،5 ميلليارد تەڭگە ءبولىندى. سونىمەن قاتار، اگروونەركاسىپتىك جوبالاردى جەڭىلدەتىلگەن نەسيەلەۋ باعدارلاماسى بويىنشا 11 ميلليارد تەڭگە ءبولىنىپ، بۇل 8 ءىرى جوبانى قارجىلاندىرۋعا مۇمكىندىك بەرەدى.
الەۋمەتتىك سالادا دا ەلەۋلى وزگەرىستەر ورىن الۋدا. 2024 جىلى بىرنەشە ءىرى ءبىلىم بەرۋ نىساندارى، ونىڭ ىشىندە جاڭا مەكتەپتەر مەن بالاباقشالار سالىنىپ، پايدالانۋعا بەرىلدى. 160 سپۋتنيكتىك Starlink تەرمينالدارى ورناتىلىپ، وڭىردەگى ءبىلىم بەرۋ ۇيىمدارىندا ينتەرنەت-وقىتۋعا قولجەتىمدىلىك جاقساردى.
دەنساۋلىق ساقتاۋ سالاسى دا دامۋىن جالعاستىرۋدا: وڭىردە جاڭا اۋرۋحانالار مەن مەديسينالىق مەكەمەلەر سالىنىپ، زاماناۋي مەديسينالىق تەحنولوگيالار ەنگىزىلۋدە. 2024 جىلى گەماتولوگيا ورتالىعى مەن بىرنەشە جاڭا ەمحانالاردىڭ قۇرىلىسىن اياقتاۋ جوسپارلانۋدا.
ءوڭىر دامۋىنىڭ ماڭىزدى بولىگى تۋريزم بولىپ تابىلادى. شىعىس قازاقستان وبلىسىندا تاۋ شاڭعىسى كۋرورتتارى مەن تۋريستىك بازالاردى سالۋ جوبالارى جۇزەگە اسىرىلۋدا. ەكولوگيالىق جانە تاريحي مارشرۋتتارعا باسا نازار اۋدارا وتىرىپ، تاۋ شاڭعىسى ءتۋريزمىن دامىتۋ ريددەر مەن كاتونقاراعاي اۋدانىندا جوسپارلانعان.
بۇدان بولەك، كولىك ينفراقۇرىلىمدىق جوبالار بەلسەندى تۇردە دامىپ كەلەدى: جاڭا كوپىرلەر، جولدار جانە اۋەجايلار سالىنىپ جاتىر، بۇل شىعىس قازاقستان وبلىسىن قازاقستان مەن جۇڭگو اراسىنداعى ماڭىزدى كولىك تورابىنا اينالدىرادى.
