ءوڭىر باسشىسى شەكتەۋ جانە كارانتين شارالارىن ەنگىزۋ، ءبىلىم بەرۋ جۇيەسىنە اسەر ەتكەنىن ايتتى. ويتكەنى مۇعالىمدەر قىسقا مەرزىم ىشىندە جاڭا فورماتقا داعدىلانىپ، قاشىقتان وقىتۋ ادىستەمەلەرىنە كوشۋگە ءماجبۇر بولدى.
– ءبىز كومپيۋتەرلەرى جوق بالالاردىڭ ءبىلىم بەرۋ باعدارلامالارىنان ارتتا قالماۋى جانە ۇبت مەن ەمتيحانداردى ءساتتى تاپسىرۋى ءۇشىن، ال جوو تۇلەكتەرى ديپلومدارىن ويداعىداي قورعاۋى ءۇشىن بارلىق مۇمكىندىكتى جاسادىق.
وسىلايشا، وبلىس مەكتەپتەرى ءۇشىن 33 مىڭنان استام كومپيۋتەرلىك تەحنيكا ساتىپ الىندى. وقۋشىلاردىڭ 90 پايىزدان استامى ينتەرنەت جەلىسىنە قوسىلىپ، بالالاردىڭ 6 پايىزى روۋتەرمەن قامتاماسىز ەتىلدى، – دەدى دانيال احمەتوۆ.
ايتا كەتەيىك، وبلىستا ءۇش اۋىسىمدى مەكتەپتەردىڭ جۇمىس ىستەۋ ماسەلەسى شەشىلگەن. اعىمداعى جىلى ءۇش جاڭا مەكتەپ اشىلدى.
– اباي اۋدانىنىڭ قاراۋىل اۋىلىندا 300 ورىندىق، وبلىس ورتالىعىنداعى احمەر اۋىلىندا 1000 ورىندىق، تارباعاتاي اۋدانىنىڭ اقجار اۋىلىندا 300 ورىندىق ينتەرناتى بار 600 ورىندىق مەكتەپ اشىلدى، – دەپ ناقتىلادى ايماق باسشىسى.
شىعىس قازاقستان وبلىسىنىڭ اكىمى بيىل العاش رەت ءبىلىم بەرۋ نىساندارىن جوندەۋگە 11 ملرد. تەڭگە بولىنگەنىن اتاپ ءوتتى. بۇل وتكەن جىلمەن سالىستىرعاندا بەس ەسە ارتىق.
جاڭا وقۋ جىلىنا 394 ءبىلىم بەرۋ مەكەمەسى، ونىڭ ىشىندە 320 مەكتەپ، 5 كوللەدج، 49 بالاباقشا، 20 قوسىمشا ءبىلىم بەرۋ نىسانى دايىندالدى. بۇل رەتتە اتالعان نىساندارداعى جۇمىستاردىڭ 70%-ى «جۇمىسپەن قامتۋدىڭ جول كارتاسى» اياسىندا جۇزەگە اسىرىلدى.
