وزدەرىنە ارنايى كەلگەن مەيماندارعا ارناپ ونەرلەرىن ورتاعا سالدى. ولەڭ-جىرلارىن وقىپ، اناعا دەگەن سارقىلماس ساعىنىشتان تۋعان اندەرىن شىرقادى.
بالالار اۋىلىنداعى ءاربىر ءبۇلدىرشىن وبلىستاعى بىرنەشە باسقارما باسشىلارىنىڭ ءجىتى نازارىندا. ولارمەن بىرگە ءوڭىردىڭ تاريحي-مادەني ورتالىقتارى مەن دەمالىس ورىندارىنا ەكسكۋرسيالار تۇراقتى تۇردە وتكىزىلىپ تۇرادى. جاقىندا قوستانايدا جۇلقا كوتەرۋدەن وتكەن رەسپۋبليكا چەمپيوناتىندا 120 كەلى سالماقتى باعىندىرىپ، التىن جۇلدە يەگەرى اتانعان ديانا حاكيموۆا دا وسى شاڭىراقتىڭ تاربيەلەنۋشىسى. بولاشاق وليمپيادا چەمپيونى بولۋدى ارماندايدى.
قارا شاڭىراقتا بۇگىندە 60-تان استام بالا ءوسىپ جاتىر. ولاردىڭ ءار قايسىسى ءتۇرلى ۇلتتان بولعانىمەن بارلىعى ءبىر تىلدە ياعني، قازاق تىلىندە سويلەيدى. بىرنەشە ءتىلدى مەڭگەرگەن بالالار تۋعان اتا-انا قامقورىنان قاعىلعانمەن، بۇل ورتالىقتا ارنايى وتباسىلىق نەگىزدە تاربيەلەنەدى. مۇندا جانۇيا مۇشەلەرى جاساقتالىپ، اناسى مەن بالاسى جۇيەسى قولعا الىنعان. 7 بىردەي وتباسىنا بولىنگەن بالالار ۇيىندە ولاردىڭ تولىققاندى ءومىر سۇرۋىنە بار جاعداي جاسالعان. ولاردىڭ جەكە بولمەلەرى، كومپيۋتەرلىك سىنىپتار، سپورتتىق بولمەلەر بار.
وبلىس باسشىسى وسىدان 98 جىل بۇرىن قىزمەتىن باستاعان تولەگەن تاجىبايەۆ اتىنداعى بالالار ۇيىندە اشىلعان مۇراجاي جۇمىسىمەن تانىستى. بۇگىنگە دەيىن وسى ۇيادان ۇشقان ءۇش مىڭعا جۋىق تاربيەلەنۋشى ومىردەن ءوز ورنىن تاپقان. وتباسى ۇلگىسىندەگى بالالار ۇيىنەن بۇگىنگە دەيىن اتاقتى عالىمدار مەن جازۋشىلار، ۇلت ماقتانىشىنا اينالعان باتىرلار، بەلگىلى قوعام قايراتكەرلەرى مەن كەڭەس وداعىنىڭ باتىرلارى بەيسەن وڭتايەۆ، سادىق يسمايلوۆ، بەرگەن يساحانوۆ، ناعي ءىلياسوۆ، يۆان جۋربالار ۇشسا، قازاقتىڭ بەلگىلى جازۋشىسى، ساتيريك، دراماتۋرگ سادىقبەك ادامبەكوۆ پەن ەسىمى بەرىلگەن تولەگەن تاجىبايەۆ تا وسىندا تاربيەلەنگەن.
تۇركىستان وبلىسى اكىمىنىڭ باسپا ءسوز قىزمەتى
