شىمكەنت قالالىق اۋىل شارۋاشىلىعى جەنە ۆەتەرينارييا باسقارماسىنىڭ باسشىسى ەبۋناسىر جانباتىروۆ قىزمەتٸنەن كەتتٸ, دەپ حابارلايدى Dalanews.kz.
بۇل تۋرالى ەكس-شەنەۋنٸك Facebook پاراقشاسىندا جازدى. ول وتستاۆكاعا كەتۋ تۋرالى ٶتٸنٸشتٸ ەرٸكتٸ تٷردە بەرگەن.
ولاي بولسا شىمكەنتتٸڭ باس مال دەرٸگەرٸ قانداي وقيعالارمەن تانىمال بولعانىن ەسكە تٷسٸرەيٸك.
2023 جىلى شىمكەنتتە قاڭعىباس جانۋارلار اۋلاناتىن ورىندا بولعان جانتٷرشٸگەرلٸك جاعداي ەلەۋمەتتٸك جەلٸدە داۋ تۋدىرعان بولاتىن. وسى تۇستا ەبۋناسىر جانباتىروۆ قاتتى سىنعا ۇشىرادى.
ناقتىراق ايتساق, قازاقستانداعى جانۋارلاردى قورعاۋ قاۋىمداستىعى Instagram پاراقشاسىندا باسى مەن اياقتارىن شاۋىپ تاستاعان ونداعان مىسىقتىڭ سۋرەتتەرٸن جارييالاعان ەدٸ. سونىمەن قاتار كادردا قاتىگەزدٸكپەن ٶلتٸرٸلگەن مىسىقتاردىڭ بٸرنەشە سۋرەتٸ دە تارالدى.
بۇدان سوڭ اۋىل شارۋاشىلىعى جەنە ۆەتەرينارييا باسقارماسىنىڭ باسشىسى اۋلانعان جانۋارلاردى ۋاقىتشا ۇستاۋ پۋنكتٸنە بارادى. الايدا جانباتىروۆ جۋرناليستەردٸڭ “جانتٷرشٸگەرلٸك كٶرٸنٸسكە كٸم كٸنەلٸ, قاڭعىباس مىسىقتار مەن يتتەردٸ نەمەن قورەكتەندٸرەدٸ” دەگەن سۇراقتارىنا جاۋاپ بەرە المايدى.
ول تەك جۇمىسقا سالعىرت قاراعان ۆەتەرينار مەن ٷش يت اۋلاعىش جۇمىستان بوساتىلعانىن ايتقان.
ەسكە سالايىق, كٷنٸ كەشە شىمكەنت ەكٸمدٸگٸندە ٶتٸپ جاتقان وتىرىس بارىسىندا تۇرعىن ٷي باسقارماسى باسشىسىنىڭ مٸندەتٸن اتقارۋشى ۇستالعان بولاتىن. انتيكوردىڭ الدىن الا مەلٸمەتٸنشە شەنەۋنٸك 120 ميلليون تەڭگە شىعىن كەلتٸردٸ دەگەن كٷدٸككە ٸلٸنگەن.
ال شىمكەنت قالاسىنىڭ ەكٸمٸ عابيت سىزدىقباەۆ ەر مەملەكەتتٸك قىزمەتشٸ ٶز قىزمەتٸندە الدىمەن حالىقتىڭ يگٸلٸگٸن ويلاپ, سوعان سٷيەنە شەشٸم قابىلداۋى كەرەك ەكەنٸن اتاپ ٶتتٸ.
"ەكٸمدٸك قىزمەتكەرلەرٸنٸڭ اراسىندا ادال جۇمىس ٸستەيتٸندەر كٶپ, بٸراق ساتقىندار دا بار, مەن سٸزدەرگە تالاي رەت ەسكەرتتٸم", - دەگەن ەكٸم باسقا امالىنىڭ قالماعانىن ايتقان بولاتىن.
وسى تۇستا وقيعاعا كۋە بولعان بٸراز شەنەۋنٸكتٸڭ ابدىراپ قالعانى راس. بەلكٸم, ەبۋناسىر جانباتىروۆ تا كٶپشٸلٸك الدىندا ماسقاراعا قالماي, قوعامدىق الاڭنان الدىن الا كەتۋدٸ جوسپارلاعان بولار.كٸم بٸلسٸن?!
