«وكىنىشكە قاراي، 1979 جىلى تۋعان كۇزەتشى ب.، 1980 جىلى تۋعان جۇمىسشى ش. جانە 18 كۇن بۇرىن تۋعان 1 ءسابي قايعىلى وقيعانىڭ قۇربانى بولدى. قازا تاپقانداردىڭ وتباسىلارىنا كوڭىل ايتامىز. زارداپ شەككەندەرگە كومەك كورسەتۋ جانە وسى قايعىلى وقيعانى تەرگەۋ ءۇشىن ۆەدومستۆو بارلىق قاجەتتى شارالاردى قابىلدايدى» دەلىنگەن مينيسترلىك حابارلاماسىندا.
ۆەدومستۆو ءمالىم ەتكەندەي، تاعى 8 ادام زارداپ شەكتى. ولاردىڭ بارلىعى قالانىڭ مەديسينالىق مەكەمەلەرىنە جاتقىزىلدى. زارداپ شەككەندەرگە ا. سىزعانوۆ اتىنداعى ۇعحو دارىگەرلەرى كەڭەس بەرىپ جاتىر.
پسيحولوگتار توبىنىڭ جۇمىسى ۇيىمداستىرىلعان. ايتا كەتەيىك، بۇعان دەيىن شىمكەنتتەگى پەريناتالدىق ورتالىقتىڭ قاسىنداعى ءدارى ساقتايتىن ەكى قاباتتى عيماراتتا جارىلىس بولعانىن حابارلادىق.
پەرزەنتحانا عيماراتى مەن تۇرعىن ۇيگە زاقىم كەلىپ، ونداعى ادامدار ءقاۋىپسىز جەرگە كوشىرىلگەن. شىمكەنتتەگى جارىلىستان كۇزەتشىمەن قوسا ءبىر نارەستە شەتىنەگەنى ءمالىم بولدى.
