«Ókinishke qarai, 1979 jyly týǵan kúzetshi B., 1980 jyly týǵan jumysshy Sh. jáne 18 kún buryn týǵan 1 sábi qaiǵyly oqiǵanyń qurbany boldy. Qaza tapqandardyń otbasylaryna kóńil aitamyz. Zardap shekkenderge kómek kórsetý jáne osy qaiǵyly oqiǵany tergeý úshin vedomstvo barlyq qajetti sharalardy qabyldaidy» delingen ministrlik habarlamasynda.
Vedomstvo málim etkendei, taǵy 8 adam zardap shekti. Olardyń barlyǵy qalanyń meditsinalyq mekemelerine jatqyzyldy. Zardap shekkenderge A. Syzǵanov atyndaǵy UǴHO dárigerleri keńes berip jatyr.
Psihologtar tobynyń jumysy uiymdastyrylǵan. Aita keteiik, buǵan deiin Shymkenttegi perinataldyq ortalyqtyń qasyndaǵy dári saqtaityn eki qabatty ǵimaratta jarylys bolǵanyn habarladyq.
Perzenthana ǵimaraty men turǵyn úige zaqym kelip, ondaǵy adamdar qaýipsiz jerge kóshirilgen. Shymkenttegi jarylystan kúzetshimen qosa bir náreste shetinegeni málim boldy.
