شىمكەنتتە 6،8 ميلليون تەنگە جىمقىرعان مەكتەپ باسشىلىعىنا قاتىستى سوتالدى تەرگەپ-تەكسەرۋ باستالدى، - دەپ حابارلايدى Dalanews.kz.
شىمكەنت قالاسى تۇران اۋدانىنىڭ پروكۋراتۋراسى تەكسەرۋ بارىسىندا 6 843 837 تەڭگە سوماداعى بيۋدجەت قاراجاتىن جىمقىرۋ دەرەگىن انىقتادى.
بۇل اقشالاي قاراجات 2022-2023 جىلدار ارالىعىندا №73 ورتا مەكتەپتى جوندەۋ جۇمىستارىن جۇرگىزۋگە، عيماراتتى جىلىتىپ ۇستاۋ ءۇشىن كومىر جەتكىزۋگە بيۋدجەتتەن بولىنگەن.
ودان بولەك جۇمىس اتقارماعانىنا قاراماستان 2 قىزمەتكەرگە اي سايىن ەڭبەكاقى تولەنىپ وتىرعانى بەلگىلى بولدى.
اۋدان پروكۋراتۋراسى مەكتەپ باسشىلىعىنا قاتىستى قازاقستان رەسپۋبليكاسى قىلمىستىق كودەكسىنىڭ 189-بابى 3-بولىگىنىڭ 1-تارماعى (سەنىپ تاپسىرىلعان بوتەن مۇلىكتى يەمدەنۋ نەمەسە ىسىراپ ەتۋ) بويىنشا سوتالدى تەرگەپ-تەكسەرۋدى باستادى.
