شىمكەنتتە زاڭسىز كٶشٸ-قون ارناسىن ۇيىمداستىردى دەگەن كٷدٸكپەن قىلمىستىق ٸس اياسىندا ونداعان تٸنتۋ جٷرگٸزٸلدٸ, دەپ حابارلايدى Dalanews.kz.
ٸشكٸ ٸستەر مينيسترلٸگٸنٸڭ مەلٸمەتٸنشە, پروكۋراتۋرانىڭ ٷيلەستٸرۋٸمەن جٷرگٸزٸلگەن جەدەل ٸس-شارالار بارىسىندا ەل اۋماعىنا شەتەل ازاماتتارىن زاڭسىز كٸرگٸزٸپ, ولاردى زاڭسىز جولمەن زاڭداستىرۋمەن اينالىسقان تۇراقتى قىلمىستىق توپتىڭ ەرەكەتٸنە توسقاۋىل قويىلعان.
تەرگەۋ دەرەگٸنە سەيكەس, كٷدٸكتٸلەر اقشالاي سىياقى ٷشٸن شەتەلدٸكتەردٸڭ قازاقستانعا كەلۋٸن ۇيىمداستىرىپ, ولاردىڭ ەل اۋماعىندا زاڭسىز جٷرۋٸنە جاعداي جاساعان.
ارنايى وپەراتسييا كەزٸندە 28 تٸنتۋ شاراسى جٷرگٸزٸلٸپ, نەتيجەسٸندە ونداعان شەتەلدٸك پاسپورت, كەڭسە تەحنيكاسى, بايلانىس قۇرالدارى, تٷرلٸ بلانكٸلەر مەن جالعان ەڭبەك كەلٸسٸمشارتتارى تەركٸلەنگەن.
سونىمەن قاتار ٸرٸ كٶلەمدەگٸ اقشا قاراجاتى مەن تٸركەۋدە جوق قارۋ دا الىنعان.
ۆەدومستۆو مەلٸمەتٸنشە, قىلمىستىق توپتىڭ ۇيىمداستىرۋشىسى ۋاقىتشا ۇستاۋ يزولياتورىنا قامالدى. ال اتالعان زاڭسىز ارناعا قاتىسى بار 13 ادام پوليتسييا بٶلٸمشەسٸنە جەتكٸزٸلگەن.
قازٸرگٸ تاڭدا كٷدٸكتٸلەرگە قاتىستى قىلمىستىق كودەكستٸڭ زاڭسىز كٶشٸ-قوندى ۇيىمداستىرۋ بابىمەن سوتقا دەيٸنگٸ تەرگەۋ باستالدى.
