وڭتۇستىك قازاقستان وبلىسى اكىمدىگى مەن ءنوۆوسىبىر قالاسىنداعى «فۋدسيب» ساۋدا كەشەنى اراسىندا ىنتىماقتاستىق تۋرالى مەموراندۋمعا قول قويىلدى. ونداعى ماقسات – وڭىردەگى اۋىلشارۋاشىلىق تاۋار وندىرۋشىلەرىنىڭ ەكسپورتتىق الەۋەتىن ارتتىرۋ بولىپ تابىلادى.

مۇنداي كەلىسىمگە رەسەيدىڭ ءنوۆوسىبىر قالاسىندا وتكەن «فۋدسيب» جەمىستەر مەن كوكونىستەر كوتەرمە جانە بولشەك ساۋدا كەشەنىنىڭ اشىلۋ ءراسىمى بارىسىندا قول جەتكىزىلىپ وتىر. اتالعان جيىنعا وبلىس اكىمىنىڭ تاپسىرماسىمەن وقو ءماسليحات حاتشىسى ق.بالابييەۆ، «ىرىس» ميكرو قارجىلىق ۇيىمىنىڭ ديرەكتورى دانيار ارىنعازين، كولىك جانە لوگيستيكا ايماعىنىڭ باس ديرەكتورى ە. بەكتايەۆ، «ورداباسى قۇس» ج ش س باسشىسى ب. جۇماحانوۆ قاتىسىپ قايتقان بولاتىن.

ەكى ەل اراسىنداعى ساۋدا-ەكونوميكالىق قاتىناستاردى دامىتۋ ماقساتىندا ۇيىمداستىرىلعان ساپار جەمىستى بولىپ، «وڭتۇستىك» ايماقتىق ينۆەستيسيالىق ورتالىعى «RIC ON EXPORT» باعدارلاماسىن ىسكە قوستى. ناتيجەسىندە قازىرگى تاڭدا وڭتۇستىكتە وندىرىلگەن تاۋارلاردىڭ ءنوۆوسىبىر قالاسىنا ءبىرىنشى جەتكىزىلىمىن جونەلتۋ جوسپارلانىپ وتىر.  وسى ورايدا كومپانيادا رەسەي فەدەراسياسىنا ونىمدەردى ەكسپورتتاۋدى ۇيىمداستىرۋدا اۋىل شارۋاشىلىعى تاۋارىن وندىرۋشىلەرگە قولداۋ كورسەتۋ جانە كەشەندى قىزمەت كورسەتۋ ءۇشىن ارنايى جۇمىس توبى قۇرىلدى.

ايتا كەتۋ كەرەك، «وڭتۇستىك» ايو «RIC ON EXPORT» اۋىلشارۋاشىلىق وندىرۋشىلەرىنىڭ ەكسپورتتىق الەۋەتىن دامىتۋ باعدارلاماسىنىڭ شەڭبەرىندە ورتالىقپەن قارجىلاندىرىلعان اۋىل شارۋاشىلىق تاۋار وندىرۋشىلەرىنىڭ قاتىسۋىمەن «RIC ON KORME» اتتى تۇراقتى كورمە-جارمەڭكە ۇيىمداستىرىلۋدا.

وقو اكىمىنىڭ باسپا ءسوز قىزمەتى