Mundaı kelisimge Reseıdiń Novosibir qalasynda ótken «Fýdsıb» jemister men kókónister kóterme jáne bólshek saýda kesheniniń ashylý rásimi barysynda qol jetkizilip otyr. Atalǵan jıynǵa oblys ákiminiń tapsyrmasymen OQO máslıhat hatshysy Q.Balabıev, «Yrys» mıkro qarjylyq uıymynyń dırektory Danıar Arynǵazın, Kólik jáne logıstıka aımaǵynyń bas dırektory E. Bektaev, «Ordabasy qus» JSHS basshysy B. Jumahanov qatysyp qaıtqan bolatyn.
Eki el arasyndaǵy saýda-ekonomıkalyq qatynastardy damytý maqsatynda uıymdastyrylǵan sapar jemisti bolyp, «OŃTÚSTİK» aımaqtyq ınvestısıalyq ortalyǵy «RIC ON EXPORT» baǵdarlamasyn iske qosty. Nátıjesinde qazirgi tańda Ońtústikte óndirilgen taýarlardyń Novosibir qalasyna birinshi jetkizilimin jóneltý josparlanyp otyr. Osy oraıda kompanıada Reseı Federasıasyna ónimderdi eksporttaýdy uıymdastyrýda aýyl sharýashylyǵy taýaryn óndirýshilerge qoldaý kórsetý jáne keshendi qyzmet kórsetý úshin arnaıy jumys toby quryldy.
Aıta ketý kerek, «OŃTÚSTİK» AIO «RIC ON EXPORT» aýylsharýashylyq óndirýshileriniń eksporttyq áleýetin damytý baǵdarlamasynyń sheńberinde ortalyqpen qarjylandyrylǵan aýyl sharýashylyq taýar óndirýshileriniń qatysýymen «RIC ON KORME» atty turaqty kórme-jármeńke uıymdastyrylýda.
OQO ákiminiń baspasóz qyzmeti
