شىمكەنتتە پاتەرىن جالعا بەرگەن ادام سوتتالىپ كەتتى، – دەپ حابارلايدى Dalanews.kz.
شىمكەنتتە پاتەرىن جالعا بەرگەن ادام قاۋىپسىزدىك تالاپتارىن بۇزعانى ءۇشىن قىلمىستىق جاۋاپكەرشىلىككە تارتىلدى.
ا. ەسىمدى تۇرعىن پاتەردى گاز قىزمەتىمەن كەلىسىمسىز جانە گاز قاۋىپسىزدىگى تالاپتارىن ساقتاماي، جالعا بەرگەن. سالدارىنان پاتەردە گاز كەتىپ، پاتەردى جالعا الۋشى ب. كومىرقىشقىل گازىنان ۋلانىپ كوز جۇمعان.
بيىل 18 ساۋىردە شىمكەنت قالاسىنىڭ قىلمىستىق ىستەر جونىندەگى اۋدانارالىق سوتى پاتەر يەسىن ق ر قىلمىستىق كودەكسىنىڭ 306-بابى ("جۇمىس جۇرگىزۋ كەزىندە قاۋىپسىزدىك تالاپتارىن بۇزۋ") بويىنشا كىنالى دەپ تانىپ، وعان 4 جىل شارتتى جازا تاعايىنداپ، پروباسيالىق باقىلاۋ بەلگىلەدى.
"بۇل جاعداي پاتەردى جالعا بەرىپ، تابىس تاباتىن ءاربىر ازاماتتىڭ مىندەتى بارىن كورسەتەدى. جاۋاپسىزدىق اۋىر زارداپتارعا جانە قىلمىستىق جاۋاپكەرشىلىككە اكەپ سوعۋى مۇمكىن"، - دەپ جازىلعان حابارلامادا.
