شىمكەنتتە اۋدان ەكٸمٸنٸڭ قولاستىنداعىلاردى سوققىعا جىققان ۆيدەوسى تارادى. ۆيدەونى زاڭگەر ايگٷل ورىنبەك جارييالادى. ونىڭ سٶزٸنشە, وقيعا بىلتىر قازان ايىندا بولعان, دەپ حابارلايدى Dalanews.kz.
"ماعان كەلگەن كەزدە «شىمكەنت ەكٸمٸ عابيت سىزدىقبەكوۆكە دە, بارلىق قۇزىرلى ورگاندارعا دا حابارلانعان» دەگەن بولاتىن. قالانىڭ “مىقتى ەكٸمٸ” بار ەمەس پە, عابيت سىزدىقبەكوۆ زاڭدى تٷردە شارا قولدانادى دەگەن ٷمٸتتە بولدىم", - دەيدٸ زاڭگەر.
ول بۇل ۆيدەو جۋرناليستەرگە تارالا باستاعانىنا قاراعاندا, ەكٸمدٸك تاراپىنان ەشقانداي شارا قابىلدانباعان بولۋى مٷمكٸن دەيدٸ.
"ۆيدەودا شىمكەنت قالاسى قاراتاۋ اۋدانىنىڭ ەكٸمٸ ٶز قىزمەتكەرٸنە كٷش قولدانىپ, ۇرىپ-سوعىپ جاتقانى كٶرٸنەدٸ. يە, قىزمەتكەر جۇمىسىنان ايىرىلىپ قالماس ٷشٸن ەكٸمگە قارسى ارىز جازباۋى مٷمكٸن. بٸراق جانىنا قاتتى باتقان ادام بۇل ۆيدەونى بەكەردەن-بەكەر تاراتپايدى عوي. «ايگٷل-اۋ, شىمكەنتتە بانديتتەر ٶرٸپ كەتتٸ عوي, نەگە ٷندەمەي وتىرسىڭ?» دەيسٸزدەر. ايدىڭ-كٷننٸڭ امانىندا ەكٸمدٸكتٸڭ الدىندا ەكٸم ورىنباسارىن اتىپ, بٸر ەكٸم ٶز قىزمەتكەرلەرٸن ۇرىپ-سوعىپ جاتقانىن قۇزىرلى ورگاندار كٶرٸپ-بٸلٸپ تۇرىپ ٷنسٸز وتىرسا, مەن نە دەۋٸم كەرەك?", - دەيدٸ ايگٷل ورىنبەك.
زاڭگەر شىمكەنتتە قىلمىستىق ەرەكەتتەر كٶبەيگەنٸن ايتادى.
"بۇل قالاعا پرەزيدەنت الدىندا جاۋاپ بەرەتٸن ادام بار عوي. سول جاۋاپ بەرسٸن! سوڭعى ۋاقىتتا شىمكەنتتە نەگە قىلمىستىق ەرەكەتتەر كٶبەيٸپ كەتتٸ? نەلٸكتەن ەكٸمدٸك قىزمەتكەرلەرٸ بٸر-بٸرٸنە وق اتىپ, تٶبەلەسۋگە دەيٸن بارىپ جاتىر? ەكٸمدٸك بانديتتەردٸڭ ورداسى ەمەس قوي!", - دەيدٸ زاڭگەر.
