شىمكەنتتە ورناتىلعان سمارت-دەرەتحانالار كەي ازاماتتاردىڭ جاۋاپسىز ەرەكەتتەرٸنەن بٷلٸنٸپ جاتىر. قالانىڭ سانيتارلىق جاعدايىن جاقسارتىپ, تۇرعىندار ٷشٸن قولايلى ورتا قالىپتاستىرۋ ماقساتىندا قويىلعان نىسانداردى ەدەيٸ سىندىرۋ, ٸشٸندەگٸ جابدىقتاردى جارامسىز ەتۋ جاعدايلارى جيٸلەپ كەتكەن, دەپ حابارلايدى Dalanews.kz اگەنتتٸگٸ Sn.kz-كە سٸلتەمە جاساپ.
جاۋاپتى مامانداردىڭ مەلٸمەتٸنشە, قوعامدىق ەجەتحانالاردا گٷلدەردٸ جۇلىپ كەتۋ, كەرٸز جٷيەسٸن بٸتەپ تاستاۋ, تەحنيكالىق قۇرىلعىلاردى قاساقانا زاقىمداۋ سيياقتى ەرەكەتتەر جيٸ كەزدەسەدٸ. مۇنىڭ بارلىعى جوبانى جٷزەگە اسىرىپ وتىرعان تاراپقا ايتارلىقتاي ماتەريالدىق شىعىن كەلتٸرٸپ جاتىر.
سوڭعى وقيعا كەزٸندە ەكٸ بەلگٸسٸز ادام ەجەتحانا ٸشٸندەگٸ تەحنيكانى ەدەيٸ ٸستەن شىعارعان. ولار فەندٸ سىمىمەن قوسا جۇلىپ الىپ, نىساننىڭ قالىپتى جۇمىسىن توقتاتۋعا سەبەپ بولعان. جوبا مەنەدجەرٸ ميلانا پەرەميتينانىڭ ايتۋىنشا, بۇل جاي عانا ابايسىزدىق ەمەس, قاساقانا جاسالعان ەرەكەت.
اتالعان جاعداي بويىنشا جوبا قىزمەتكەرلەرٸ پوليتسيياعا ارىز تٷسٸرگەن. قازٸر قۇقىق قورعاۋ ورگاندارى وقيعانىڭ مەن-جايىن انىقتاپ جاتىر.
ايتا كەتەيٸك, مۇنداي جاعدايلار شىمكەنتتە بۇرىن دا تٸركەلگەن. ٶتكەن جىلى اربات اۋماعىندا بەلگٸسٸز بٸرەۋ قوعامدىق ورىنداردىڭ ەسٸكتەرٸن ەدەيٸ بٸتەپ تاستاعان بولاتىن. كەيٸن كٷدٸكتٸ ۇستالعان. ال بيىلعى جىل قوعامدىق مٷلٸكتٸ بٷلدٸرۋ دەرەكتەرٸمەن باستالىپ وتىر.
مامانداردىڭ ايتۋىنشا, بٸر سمارت-دەرەتحانانى ورناتۋعا شامامەن 50 ميلليون تەڭگە جۇمسالعان. سوندىقتان كەز كەلگەن بٷلٸنگەن جابدىق قالا بيۋدجەتٸ مەن جوبانى ٸسكە اسىرۋشىلار ٷشٸن ٷلكەن شىعىن سانالادى.
وسىعان بايلانىستى جوبا اۆتورلارى مەن قالا بيلٸگٸ تۇرعىندار مەن قالا قوناقتارىن ورتاق مٷلٸككە ۇقىپتى قاراۋعا شاقىرىپ وتىر. ٶيتكەنٸ قوعامدىق نىسانداردىڭ ساقتالۋى ەڭ الدىمەن قوعامنىڭ جاۋاپكەرشٸلٸگٸنە بايلانىستى.
