قما شىعىس قازاقستان وبلىسى بويىنشا دەپارتامەنتى ۇلان اۋدانى شىبىندى وزەنى اڭعارىندا قىمبات مەتالداردى زاڭسىز ءوندىرۋ جانە جەر قويناۋىن ءوز بەتىنشە پايدالانۋ فاكتىسى بويىنشا تەرگەپ-تەكسەرۋ جۇمىستارىن جالعاستىرۋدا، دەپ حابارلايدى Dalanews.kz.

تەرگەۋ بارىسىندا «ازاماتتارعا ارنالعان ۇكىمەت» كەاق ديرەكتورىنىڭ ورىنباسارلارىنىڭ ءبىرى باسقا ادامدارمەن بىرگە ارەكەت ەتە وتىرىپ، كەن ورنىن زاڭسىز يگەرۋدى ۇيىمداستىرعانى انىقتالدى. وسى ماقساتتا ولار ءوز باقىلاۋىنداعى «EastGoldStone» ءجشس-ىن تىركەپ، پايدالانعان.

بۇعان دەيىن التىن ءوندىرۋ جۇمىستارى ەكى جىل بويى ءتيىستى ليسەنزياسىز، اۋىر ارنايى تەحنيكانى قولدانىپ، وزەننىڭ تابيعي ارناسىنا ارالاسۋ ارقىلى جۇرگىزىلگەنى حابارلانعان. 

اتقارىلعان زاڭسىز ارەكەتتەردىڭ ناتيجەسىندە قورشاعان ورتاعا كەلتىرىلگەن زالال 300 ملن تەڭگەدەن استى.

ءتىنتۋ بارىسىندا جالپى قۇنى 382 ملن تەڭگە بولاتىن 6،7 كگ التىن، 10 ملن تەڭگە جانە 56 مىڭ اقش دوللارى مولشەرىندە قولما-قول اقشا تاركىلەندى. بۇل قاراجاتقا سوت سانكسياسىمەن بۇعاتتاۋ قويىلدى.

كۇدىكتىلەر 2 اي مەرزىمگە قاماۋعا الىندى.

تەرگەۋ امالدارى جالعاسۋدا.

ق ر قپك-نىڭ 201-بابىنا سايكەس وزگە اقپارات جاريا ەتۋگە جاتپايدى.