QMA Shyǵys Qazaqstan oblysy boiynsha departamenti Ulan aýdany Shybyndy ózeni ańǵarynda qymbat metaldardy zańsyz óndirý jáne jer qoinaýyn óz betinshe paidalaný faktisi boiynsha tergep-tekserý jumystaryn jalǵastyrýda, dep habarlaidy Dalanews.kz.
Tergeý barysynda «Azamattarǵa arnalǵan úkimet» KEAQ direktorynyń orynbasarlarynyń biri basqa adamdarmen birge áreket ete otyryp, ken ornyn zańsyz igerýdi uiymdastyrǵany anyqtaldy. Osy maqsatta olar óz baqylaýyndaǵy «EastGoldStone» JShS-in tirkep, paidalanǵan.
Buǵan deiin altyn óndirý jumystary eki jyl boiy tiisti litsenziiasyz, aýyr arnaiy tehnikany qoldanyp, ózenniń tabiǵi arnasyna aralasý arqyly júrgizilgeni habarlanǵan.
Atqarylǵan zańsyz áreketterdiń nátijesinde qorshaǵan ortaǵa keltirilgen zalal 300 mln teńgeden asty.
Tintý barysynda jalpy quny 382 mln teńge bolatyn 6,7 kg altyn, 10 mln teńge jáne 56 myń AQSh dollary mólsherinde qolma-qol aqsha tárkilendi. Bul qarajatqa sot sanktsiiasymen buǵattaý qoiyldy.
Kúdiktiler 2 ai merzimge qamaýǵa alyndy.
Tergeý amaldary jalǵasýda.
QR QPK-niń 201-babyna sáikes ózge aqparat jariia etýge jatpaidy.
