ٶڭٸردەگٸ سۋ تاسقىنىن اۋىزدىقتاۋ ٸسٸنە 3 مىڭنان استام ەركٸتٸنٸڭ قاتىسىپ, اقىسىز-پۇلسىز جۇمىس ٸستەگەنٸنەن وبلىس تۇرعىندارىنىڭ سانا-سەزٸمٸ قانشىلىقتى ٶسكەنٸن بايقاۋعا بولادى. بٸر ايدا مىڭعا تارتا ٷيدٸ قىزىل سۋ باسقاندا – اپاتتان زارداپ شەككەن ادامداردىڭ جٸگەرٸ قۇم بولىپ, ٶمٸردەن باز كەشكەنٸن كٶرمەدٸك. قايتا جٸگەرلەنٸپ, ۋاقىتشا قيىندىققا قاسقايىپ قارسى تۇردى. بٸر-بٸرٸنە كٶمەك قولىن سوزىپ, جٸگەرلەندٸرە تٷستٸ.
وسى رەتتە قاراپايىم حالىق شقو تٶتەنشە جاعدايلار قىزمەتٸنٸڭ قىزمەتكەرٸ بەيسەنعالي دٷيسەنباەۆتىڭ ەرلٸگٸن تەنتٸ بولعاندارىن دا جاسىرماي ايتتى. ول قىزىل سۋدى كەشٸپ جٷرٸپ, جۇرتتىڭ قوراداعى ٸرٸ قارالارىن قاۋٸپسٸز جەرگە ايداپ شىعارعان.
ەر زاماتتاردى بىلاي قويىپ, زىريان اۋدانى ەكٸمنٸڭ ورىنباسارى جاننا اسقارقىزى, جەرگٸلٸكتٸ مەكتەپتٸڭ وقۋ ٸسٸ بويىنشا مەڭگەرۋشٸسٸ ايگٷل باشاەۆا جەنە ەكٸمدٸك قىزمەتكەرٸ ناتاليا زايتسەۆالار 30 ناۋرىز كٷنٸ مالەەۆكا ەلدٸمەكەنٸن سۋ باسقاندا كٷن-تٷن دەمەي قۇتقارۋ جۇمىسىنا قاتىسىپ, جۇمىس ٸستەگەنٸن ايتا كەتۋٸمٸز كەرەك.
سونىمەن قاتار سۋ ٶزەن بويىنا جاقىن ماڭدارداعى ٷيلەردٸ سۋ باسقاندا تۇتاس اۋىل تۇرعىندار جۇدىرىقتاي جۇمىلىپ سۋ باسقان ٷيلەردٸڭ جەرتٶلەسٸ مەن اۋلالاردى سۋدان تازارتۋ, سۋدىڭ ارناسىن باسقا جاققا بۇرۋ, ادرەستٸك كٶمەك كٶرسەتۋ سىندى العاشقى كەزەڭدەگٸ كٶمەكتەردٸ كٶرسەتٸپ, تابيعات اپاتىنىڭ زاردابىن مەيلٸنشە تٶمەندەتكەنٸن ايتۋعا تيٸسپٸز. وسىلايشا شىعىسقازاقتاندىقتار تابيعات اپاتىنا قارسى ەل بولىپ كٷرەسۋدٸڭ جارقىن ٷلگٸسٸن كٶرسەتتٸ.
