Óńirdegi sý tasqynyn aýyzdyqtaý isine 3 myńnan astam erkitiniń qatysyp, aqysyz-pulsyz jumys istegeninen oblys turǵyndarynyń sana-sezimi qanshylyqty óskenin baiqaýǵa bolady. Bir aida myńǵa tarta úidi qyzyl sý basqanda – apattan zardap shekken adamdardyń jigeri qum bolyp, ómirden baz keshkenin kórmedik. Qaita jigerlenip, ýaqytsha qiyndyqqa qasqaiyp qarsy turdy. Bir-birine kómek qolyn sozyp, jigerlendire tústi.
Osy rette qarapaiym halyq ShQO Tótenshe jaǵdailar qyzmetiniń qyzmetkeri Beisenǵali Dúisenbaevtyń erligin tánti bolǵandaryn da jasyrmai aitty. Ol qyzyl sýdy keship júrip, jurttyń qoradaǵy iri qaralaryn qaýipsiz jerge aidap shyǵarǵan.
Er zamattardy bylai qoiyp, Zyrian aýdany ákimniń orynbasary Janna Asqarqyzy, jergilikti mekteptiń oqý isi boiynsha meńgerýshisi Aigúl Bashaeva jáne ákimdik qyzmetkeri Natalia Zaitsevalar 30 naýryz kúni Maleevka eldimekenin sý basqanda kún-tún demei qutqarý jumysyna qatysyp, jumys istegenin aita ketýimiz kerek.
Sonymen qatar sý ózen boiyna jaqyn mańdardaǵy úilerdi sý basqanda tutas aýyl turǵyndar judyryqtai jumylyp sý basqan úilerdiń jertólesi men aýlalardy sýdan tazartý, sýdyń arnasyn basqa jaqqa burý, adrestik kómek kórsetý syndy alǵashqy kezeńdegi kómekterdi kórsetip, tabiǵat apatynyń zardabyn meilinshe tómendetkenin aitýǵa tiispiz. Osylaisha shyǵysqazaqtandyqtar tabiǵat apatyna qarsy el bolyp kúresýdiń jarqyn úlgisin kórsetti.
