شىعىس قازاقستان وبلىسىندا اقتان نۇرباەۆ اتىنداعى وبلىستىق اقىندار مەكتەبٸ اشىلدى, دەپ حابارلايدى Dalanews.kz
شىعىستىڭ كٶرٸكتٸ ٶلكەسٸ – قاسيەتتٸ كاتونقاراعاي كٶپتەگەن دارىندى تۇلعالاردىڭ كٸندٸك قانى تامعان جەر. التايدىڭ اردا ۇلى, قازاقتىڭ كلاسسيك جازۋشىسى قاليحان ىسقاقتىڭ 90 جىلدىعى مەن سارا سٶزدٸڭ شەبەرٸ ديداحمەت ەشٸمحانۇلىنىڭ 75 جىلدىق مەرەيتويلارى اياسىندا وبلىستا ماڭىزدى رۋحاني شارالار ۇيىمداستىرىلۋدا. سونىڭ بٸرٸ – وبلىستا بەلگٸلٸ ايتىسكەر اقىن, كاتونقاراعايدىڭ تالانتتى تۋماسى اقتان نۇرباەۆ اتىنداعى وبلىستىق اقىندار مەكتەبٸنٸڭ اشىلۋى.
ٶسكەمەندە تۇساۋى كەسٸلگەن بۇل مەكتەپ ايتىس ٶنەرٸنە دەن قويعان دارىندى جاستاردىڭ باسىن قوسىپ, باعىت-باعدار بەرۋدٸ, جاڭا تالانتتاردىڭ قالىپتاسۋىنا ىقپال ەتۋدٸ كٶزدەيدٸ. اقتان نۇرباەۆ كەڭەس دەۋٸرٸندە ٶڭٸرٸمٸزدە ايتىس ٶنەرٸن دامىتۋعا اتسالىسقان بەلدٸ اقىنداردىڭ بٸرٸ. سوندىقتان ونىڭ ەسٸمٸن يەلەنگەن اقىندار مەكتەبٸ قازاقتىڭ سۋىرىپسالما ٶنەرٸن جاڭا دەڭگەيگە كٶتەرمەك.
اقىندار مەكتەبٸنٸڭ اشىلۋىنا قازاق ايتىسىنىڭ قارا نارى, اقىن, قوعام قايراتكەرٸ جٷرسٸن ەرمان باستاعان ەل اعالارى قاتىستى. سالتاناتتى شارادا سونداي-اق پارلامەنت مەجٸلٸسٸنٸڭ دەپۋتاتى, ايتىسكەر اقىن امانجول ەلتاي, مەملەكەتتٸك سىيلىقتىڭ يەگەرٸ, اقىن ۇلىقبەك ەسدەۋلەت, بەلگٸلٸ پۋبليتسيست ەلٸبەك قاڭتارباەۆ, رەسپۋبليكامىزعا تانىمال ايتىسكەرلەر سەرٸكزات دٷيسەنعازى, جاناربەك ەشٸمجان, دەۋلەت سمەتوۆ, اباش كەكەنوۆ, سونداي-اق اقتان اقىننىڭ ۇرپاقتارى, زييالى قاۋىم ٶكٸلدەرٸ بولدى.
وبلىستىق مەدەنيەت باسقارماسىنىڭ باستاماسىمەن اشىلعان اقىندار مەكتەبٸ ٶسكەمەن جەنە وبلىس كٶلەمٸندەگٸ اقىندىققا بەيٸم جاستاردى سۋىرىپسالما ٶنەرگە باۋلىپ, پوەزييا مەن مەنەرلەپ وقۋعا ماشىقتاندىرۋدى, سونداي-اق جاس تالانتتارعا شىعارماشىلىق باعىت-باعدار بەرۋدٸ ماقسات ەتەدٸ.
"اقىندار مەكتەبٸن اشۋداعى نەگٸزگٸ ماقسات – ۇلتتىق ٶنەردٸ دەرٸپتەۋ, جاستاردى ايتىس ٶنەرٸنە باۋلۋ, قازاق پوەزيياسىنىڭ جاڭا بۋىنىن قالىپتاستىرۋ", – دەدٸ سالتاناتتى جيىندا جازۋشى, پۋبليتسيست ەلٸبەك قاڭتارباەۆ.
اقىندار مەكتەبٸ ا.س. پۋشكين اتىنداعى شىعىس قازاقستان وبلىستىق كٸتاپحاناسىندا ورنالاسقان. ونىڭ اشىلۋىنا اقتان نۇرباەۆتىڭ ۇرپاقتارى, ونىڭ ٸشٸندە ەرجان نۇرباەۆ دەمەۋشٸلٸك جاسادى.
بۇل يگٸلٸكتٸ ٸس «قارا سٶزدٸڭ قاراگەرٸ – قاليحان» اتتى رەسپۋبليكالىق اقىندار ايتىسىمەن جالعاستى. ال جاز ايلارىندا قاليحان ىسقاق پەن ديداحمەت ەشٸمحانۇلىنىڭ تۋعان جەرٸ – كاتونقاراعاي اۋدانىندا اۋقىمدى رەسپۋبليكالىق شارالار ٶتپەك.
