1993 جىلدان بەرىگە دەيىن تشو ءوز قىزمەتكەرلەرى مەن جەرگىلىكتى تۇرعىنداردىڭ يگىلىگى ءۇشىن اتىراۋ وبلىسىنىڭ ءارتۇرلى الەۋمەتتىك جوبالارىنا 1،4 ميلليارد دوللاردان استام قارجى جۇمساعان ەكەن.
قازاقستانعا كەلگەن العاشقى كۇندەردەن باستاپ «شيەۆرون» الەۋمەتتىك جوبالاردى جانداندىرۋدى قولعا الدى.
بۇلاردىڭ العاشقىسى «اتىراۋ بونۋس قورى» باعدارلاماسى-تۇعىن.
1993-1998 جىلدىڭ ارالىعىندا جۇزەگە اسىرىلعان بۇل جوبانىڭ بيۋدجەتى 50 ملن. دوللاردى قۇراعان.
اتالعان قاراجاتقا اتىراۋدا قالالىق قازاندىققا دەيىن اۆتوماتتاندىرىلدى. قالانىڭ ىرگەسىندەگى اۋىل-ايماقتاردى گازبەن قامتۋعا جەتكىلىكتى قۋاتى بار تابيعي گاز قۇبىرىنىڭ قۇرىلىسى جۇرگىزىلدى.
«اتىراۋ بونۋس قورى» باعدارلاماسى اياسىندا نان زاۋىتى سالىندى. اتىراۋ وبلىستىق اۋرۋحاناسىن جوندەۋ جانە قايتا جاراقتاندىرۋ جۇمىستارى جاسالدى. قۇلسارىدا جەدەل مەديسينالىق جاردەم كورسەتۋ اۋرۋحاناسى، ال اتىراۋ قالاسىندا جاڭا مەديسينالىق اپپاراتتارمەن جابدىقتالعان دياگنوستيكالىق ورتالىق سالىندى.
انىعى، بۇل باعدارلاما «شيەۆروننىڭ» الەۋمەتتىك سالاداعى العاشقى جوبالارىنىڭ ءبىرى ەدى.
بۇدان كەيىنگى 1999 جىلى ازىرلەنگەن «يگىلىك» باعدارلاماسى ءالى بار.
ءبىر عانا بىلتىرعى جىلى «يگىلىك» الەۋمەتتىك ينفراقۇرىلىم باعدارلاماسىنا كومپانيا 25 ملن. دوللار اۋدارعان ەكەن.
وسىنشاما قاراجاتتىڭ نەگىزگى ۇلەسى اتىراۋ وڭىرىندەگى بالاباقشالار، مەكتەپتەر جانە باسقا دا الەۋمەتتىك نىسانداردىڭ قۇرىلىسىنا جۇمسالعان.
ءبىرى عانا بىلتىرعى جىلى اتىراۋ وبلىسىنىڭ دەنساۋلىق ساقتاۋ جانە ءبىلىم بەرۋ سالالارىن قولداۋعا تشو-نىڭ الەۋمەتتىك ينۆەستيسيالار باعدارلاماسى ەسەبىنەن 1 ميلليون دوللارى شاماسىندا قارجى بولىنگەن.
جالپى ايتقاندا، جىلدىق بيۋدجەتى 25 ميلليون اقش دوللارىن قۇرايتىن «يگىلىك» باعدارلاماسى اياسىندا 110-نان استام الەۋمەتتىك ماڭىزعا يە ينفراقۇرىلىم نىساندارى سالىنىپ، دارىگەرلەر، مۇعالىمدەر جانە تەحنيكالىق ماماندار ءۇشىن مىڭنان استام جاڭا جۇمىس ورىندارى قۇرىلىپتى.
«يگىلىك» باعدارلاماسىنىڭ جىلدىق بيۋدجەتى جىل سايىن ءوسىپ كەلەدى.
«شيەۆرون» ءبىلىم سالاسىنا دا ەداۋىر ىقپال ەتتى. وسىدان 5 جىل بۇرىن كومپانيانىڭ مۇرىندىق بولۋىمەن قازاقستان-بريتان تەحنيكالىق ۋنيۆەرستيتەتىنىڭ (قبتۋ) جانىنان العاشقى رەت قازاقستان تەڭىز اكادەمياسى قۇرىلدى. اكامەديانىڭ العاشقى تۇلەكتەرى قازىرگى كۇنى تەڭىز تاسىمالى سالاسىندا تەر توگىپ ءجۇر.
وسىلايشا «شيەۆرون» نۇرسۇلتان نازاربايەۆتىڭ قازاقستان ازاماتتارىن ءداستۇرلى مۇنايگاز سەكتورىنان تىس جەرلەرگە جۇمىسقا تۇرعىزۋ ماقساتىنداعى تاپسىرماسىن العاشقىلاردىڭ ءبىرى بولىپ ورىندادى.
ەكونوميكانى جانە شاعىن جانە ورتا بيزنەستى دامىتۋ دا «شيەۆرون» كومپانياسىنىڭ دۇنيەجۇزىلىك ينۆەستيسيالىق قىزمەتىنىڭ ەڭ ماڭىزدى بولىگى بولىپ تابىلادى.
«شيەۆرون» قازاقستاننىڭ قولونەرشىلەر وداعىمەن تىعىز قارىم-قاتىناسىن جالعاستىرىپ كەلەدى جانە مىڭداعان قولونەرشىلەرگە بيزنەستى دامىتۋعا جانە ديزاين جاعىنان كومەكتەسەدى. ناتيجەسىندە، قولونەر بۇيىمدارىنىڭ ساپاسى جوعارىلاپ، نارىق كەڭەيىپ، شەبەرلەردىڭ اقپارات الماسۋ ءورىسى ارتتى.
ەكى جىل بويى «شيەۆرون» جانە قازاقستانداعى بريتاندىق كەڭەس بىرىگىپ، 17-19 جاس ارالىعىنداعى جاستاردىڭ باسەكەلەستى ەڭبەك نارىعىندا جۇمىسقا تۇرۋ قابىلەتىن ارتتىرۋعا باعىتتالعان جاڭا جوبانى جۇرگىزىپ كەلەدى.
مۇنىڭ ءبارى ەڭبەك. ەڭبەكتىڭ ەلەنبەۋى مۇمكىن ەمەس. ەل كورىپ وتىر. شاراپاتىن سەزىنىپ وتىر.
2011 جىلى «تەڭىزشيەۆرويل» الەۋمەتتىك جاۋاپكەرشىلىك جونىندەگى «پارىز» رەسپۋبليكالىق بايقاۋىندا گران-پري سىيلىعىنا يە بولدى.
