كەشە عانا (2013 ج.) ۇكىمەت ورالماندارعا ءتورت جىلسىز قازاقستان رەسپۋبليكاسىنىڭ ازاماتتىعى بەرىلمەيتىن زاڭ قابىلداتىپ تاستاعاندا زار جۇتقان قازاق، بۇگىن كارىم قاجىمقان ۇلىنىڭ ارقاسىنا شاپان جاۋىپ، استىنا اقبوز ات مىڭگىزىپ، باتاسىن بەرىپ جاتىر. بىلسە، "الدىڭا كەلسە، اتاڭنىڭ قۇنىن كەش!" دەگەن، مىنە، وسى.
ەندى جەتەسى بولسا، ەلباسى ەرتە جولعا عويعان كوشى-قون ساياساتىن وسى بايان-ولگەي ساپارىنان كەلە سالىپ، قايتا قولعا الاتىن شىعار! الىس-جاقىن شەتەلدەردەن كوشىپ كەلىپ، "ورالمان" مارتەبەسىن العان اعايىنعا اۋىلدى جەردەن شارۋاشىلىق جۇرگىزۋ ءۇشىن جەر تەلىمدەرىن تەزدەتىپ بەرۋ كەرەك!
سىيلاي بىلگەن قازاق، سىلكي دە الادى!
سوسىن، ءبىزدى سوتقا بارعىزباي-اق، قىتايدان كەلەتىن ەتنيكالىق قازاقتاردان تۇراقتى تىركەۋگە تۇراردا تالاپ ەتەتىن "سوتتىلىق" تۋرالى انىقتامانىڭ كۇشىن جويۋى ءتيىس.
ءقازىر شەتتەگى اعايىن قازاقستاننىڭ ەكونوميكالىق جاعدايىن جاقسى بىلەدى. ۇكىمەتتەن ارتىق ەشتەمە دامەتپەيدى، تەك زاڭدا بەلگىلەنگەن قۇقىقتارىنا تولىق يگىلىكتەندىرسە، جەتىپ جاتىر. ازاماتتىق الۋ جەڭىلدەتىلدى. ارى قاراي ءوز بەتتەرىمەن كوشىپ كەلىپ، ۇكىمەت ايقىنداعان وڭىرلەرگە قونىستانىپ، ءوز كۇندەرىن وزدەرى كورىپ كەتە بەرەدى.
اۋىت مۇقيبەكتەگى فەيسبۋكتەگى پاراقشاسىنان الىندى
