ترانسۇلتتىق ۇيىمداسقان قىلمىستىق توپ ەشكەرە بولدى, ولاردىڭ سينتەتيكالىق ەسٸرتكٸ ٶندٸرٸسٸنە جەنە تاراتۋ ارناسىنا قاتىسى بولعان, – دەپ حابارلايدى Dalanews.kz ٸشكٸ ٸستەر مينيسترلٸگٸ دەرەكتەرٸنە سٷيەنٸپ.
شەتەلدٸك ٷش ازاماتقا ترانسۇلتتىق ۇيىمداسقان توپ قۇرعانى, وعان باسشىلىق جاساعانى جەنە قاتىسقانى ٷشٸن قىلمىستىق ٸس قوزعالدى. قىلمىستىق توپتىڭ مٷشەلەرٸ اقمولا وبلىسى ەرەيمەنتاۋ قالاسىنىڭ شەتٸندە ورنالاسقان, ۇيىمداستىرۋشى ساتىپ العان جەكە ٷيدە قۇرىقتالدى. وندا كٷدٸكتٸلەر پسيحوتروپتىق زاتتاردى دايىنداپ, ساقتاعان.
"توپ مٷشەلەرٸنٸڭ اراسىندا رٶلدەر مەن مٸندەتتەر ناقتى ٶزارا ايقىندالعان. ەسٸرتكٸ زەرتحاناسىندا سالقىنداتۋ, جەلدەتۋ جٷيەلەرٸ, سونداي-اق, سينتەتيكا ٶندٸرۋ ٷشٸن ارنايى جابدىقتار بولعان. ەسٸرتكٸ جاسىرىن تٷردە, قاتاڭ قۇپييالىقتى ساقتاۋ ارقىلى دايىندالعان.
كٷدٸكتٸلەر كٶرشٸلەرٸندە كٷدٸك تۋدىرماۋى ٷشٸن ٷيدەن قاجەت بولعاندا عانا شىعىپ, ٷيدٸڭ پەريمەترٸ بويىنشا ۇيىمداستىرۋشىنىڭ Wi-Fi جەلٸسٸنە شىعاتىن بەينەباقىلاۋ كامەرالارىن ورناتقان.
سونىمەن قاتار, ەسٸرتكٸ ەزٸرلەۋگە ارنالعان شيكٸزاتتار مەن دايىن ٶنٸمدٸ ساقتايتىن گاراج جەنە اۆتوكٶلٸك ساتىپ الىنعان. بۇل مٷلٸكتەردٸڭ بارلىعى كٶلەڭكەلٸ سحەمامەن تٶلەنٸپ, شەتەلدٸك ساتىپ الۋشىنىڭ اتىنا تٸركەلمەگەن", – دەدٸ ٸٸم يميدجدٸك جۇمىس جەنە ٸشكٸ كوممۋنيكاتسييالار دەپارتامەنتٸنٸڭ باستىعى شىڭعىس الەكەشەۆ.
تٸنتۋ كەزٸندە 12 كەلٸدەن اسا مەفەدرون جەنە 17 كەلٸدەن اسا پرەكۋرسور تەركٸلەندٸ.
