Transulttyq uiymdasqan qylmystyq top áshkere boldy, olardyń sintetikalyq esirtki óndirisine jáne taratý arnasyna qatysy bolǵan, – dep habarlaidy Dalanews.kz Ishki ister ministrligi derekterine súienip.
Sheteldik úsh azamatqa transulttyq uiymdasqan top qurǵany, oǵan basshylyq jasaǵany jáne qatysqany úshin qylmystyq is qozǵaldy. Qylmystyq toptyń músheleri Aqmola oblysy Ereimentaý qalasynyń shetinde ornalasqan, uiymdastyrýshy satyp alǵan jeke úide quryqtaldy. Onda kúdiktiler psihotroptyq zattardy daiyndap, saqtaǵan.
"Top músheleriniń arasynda rólder men mindetter naqty ózara aiqyndalǵan. Esirtki zerthanasynda salqyndatý, jeldetý júieleri, sondai-aq, sintetika óndirý úshin arnaiy jabdyqtar bolǵan. Esirtki jasyryn túrde, qatań qupiialyqty saqtaý arqyly daiyndalǵan.
Kúdiktiler kórshilerinde kúdik týdyrmaýy úshin úiden qajet bolǵanda ǵana shyǵyp, úidiń perimetri boiynsha uiymdastyrýshynyń Wi-Fi jelisine shyǵatyn beinebaqylaý kameralaryn ornatqan.
Sonymen qatar, esirtki ázirleýge arnalǵan shikizattar men daiyn ónimdi saqtaityn garaj jáne avtokólik satyp alynǵan. Bul múlikterdiń barlyǵy kóleńkeli shemamen tólenip, sheteldik satyp alýshynyń atyna tirkelmegen", – dedi IIM imidjdik jumys jáne ishki kommýnikatsiialar departamentiniń bastyǵy Shyńǵys Alekeshev.
Tintý kezinde 12 keliden asa mefedron jáne 17 keliden asa prekýrsor tárkilendi.
