قازاقستاندا شەتەلدٸك ۇيىمداردان قارجىلاندىرۋ الاتىن ازاماتتاردىڭ بٸرىڭعاي دەرەكتەر بازاسى قۇرىلادى. تيٸستٸ بۇيرىق جوباسىن قارجى مينيسترلٸگٸ «اشىق نقا» پورتالىندا جارييالادى, دەپ حابارلايدى Dalanews.kz.
قۇجاتقا سەيكەس, شەتەلدٸك ۇيىمداردان, شەتەل ازاماتتارىنان نەمەسە ازاماتتىعى جوق ادامداردان اقشا مەن ٶزگە دە مٷلٸك الاتىن قازاقستاندىقتار بۇل تۋرالى اقپارات بەرۋگە مٸندەتتٸ بولادى.
«جوبانىڭ ماقساتى – ازاماتتار مەن زاڭدى تۇلعالاردىڭ قۇرىلىمدىق بٶلٸمشەلەرٸ شەتەلدٸك ۇيىمداردان, شەتەل ازاماتتارىنان جەنە ازاماتتىعى جوق ادامداردان الىنعان اقشا قاراجاتى مەن ٶزگە دە مٷلٸكتٸ الۋ جەنە پايدالانۋ تۋرالى مەلٸمەتتەردٸ ۇسىنۋ تەرتٸبٸ مەن مەرزٸمدەرٸن بەلگٸلەۋ. سونداي-اق وسىنداي مەلٸمەتتەردٸڭ نىساندارىن, مەملەكەتتٸك كٸرٸستەر ورگاندارىنا حابارلاۋ تەرتٸبٸن جەنە دەرەكتەر بازاسىن قالىپتاستىرۋ ەرەجەلەرٸن بەكٸتۋ», – دەلٸنگەن قارجى مينيسترلٸگٸنٸڭ بۇيرىق جوباسىندا.
جوبانى ەزٸرلەۋشٸلەردٸڭ ايتۋىنشا, بٸرىڭعاي بازا مەن ورتاق ەرەجەلەر ەنگٸزۋ شەتەلدەن قارجىلاندىرۋ الاتىن تۇلعالار تۋرالى اقپاراتتىڭ اشىقتىعىن ارتتىرادى. بۇل ٶز كەزەگٸندە مەلٸمەتتەردٸ جٷيەلەۋگە, قۇقىقتىق ايقىندىق پەن قارجى اينالىمىنىڭ اشىقتىعىن قامتاماسىز ەتۋگە, كٶلەڭكەلٸ ەكونوميكانىڭ تەۋەكەلدەرٸن تٶمەندەتۋگە جەنە ۇلتتىق قاۋٸپسٸزدٸكتٸ نىعايتۋعا مٷمكٸندٸك بەرەدٸ.
بۇيرىق جوباسى 2026 جىلدىڭ 1 قاڭتارىندا كٷشٸنە ەنەتٸن جاڭا سالىق كودەكسٸ اياسىندا دايىندالعان.
ايتا كەتەيٸك, قازاقستاندا 2022 جىلدان باستاپ شەتەلدٸك كٶزدەردەن اقشا نەمەسە ٶزگە دە مٷلٸك العان تۇلعالاردىڭ تٸزٸمٸ جارييالانىپ كەلەدٸ. ەندٸ قارجى مينيسترلٸگٸنٸڭ جوباسىنا سەيكەس, مۇنداي ازاماتتار تۋرالى بٸرىڭعاي دەرەكتەر بازاسى جاساقتالماق. بۇل بازا اشىق تٷردە جارييالانا ما, ەزٸرگە بەلگٸسٸز.
