انتيكوردىڭ ٶكٸلٸ قانات سٷلەيمەنوۆتٸڭ ايتۋىنشا اگەنتتٸكتٸڭ اتسالىسۋىمەن وسى كٷنگە دەيٸن شەتەلدٸك بانكتەردٸڭ ساندىعىندا ساقتاۋلى جاتقان 856 ملرد تەڭگە (1,8 ملرد دوللار, رەد.) كەرٸ ورالعان.
سونىڭ ٸشٸندە نازارباەۆتىڭ سٷت كەنجەسٸ ەلييا نازارباەۆاعا تيەسٸلٸ اتىشۋلى "وپەراتور روپ" 180 ملرد تەڭگەنٸ مەملەكەتتٸڭ ەسەپ-شوتىنا اۋدارعان.
روپ وپەراتورىنىڭ حالىق پەن مەملەكەتتەن العان قارجىسى تالان-تاراجعا سالىنعاندا, ونىڭ نەگٸزگٸ پايداقورى ەلييا نازارباەۆا بولدى دەگەن كٷدٸك بار.
انتيكور الىس-جاقىن شەتەلدەگٸ حالىققا تيەسٸلٸ اقشانى قازىناعا قايتارۋ ناۋقانىن ٷدەتە تٷسپەك. قانات سٷلەيمەنوۆتٸڭ مەلٸم ەتكەنٸندەي جىل اياعىنا تامان بۇل سوما تاعى 180 ملرد تەڭگەگە تولىعادى. جيناقتاي كەلە جىل اياعىنا دەيٸن جاڭا قازاقستان 1,036 ترلن تەڭگەنٸ (2,173 ملرد دوللار, رەد.) ەلگە قايتارۋى تيٸس.
مامىر ايىندا عانا باس پروكۋرور بەرٸك اسىلوۆ ەلگە 760 ميلليارد تەڭگەدەن استام اكتيۆتەر قايتارىلعانىن, ونىڭ 264 ميلليارد تەڭگەسٸ شەتەلدٸك يۋريسديكتسييالاردان الىنعانىن حابارلاعان. ونىڭ ٸشٸندە 14 ميلليون دوللاردى تۇڭعىش پرەزيدەنتتٸڭ نەمەرەسٸ ٸنٸسٸ قايرات ساتىبالدىۇلى ساناپ بەرگەن.
ال دەپۋتات ەرمۇرات باپيدٸڭ ايتۋىنشا ٶتكەن وتىز جىلداعى شەتەل اسقان اقشانىڭ كٶلەمٸ 150 ملرد دوللارعا جۋىقتايدى.
"وسىنشاما كاپيتالدىڭ تٷپكٸ بەنەفيتسيارى كٸم? باس پروكۋرورعا قۇلاققاعىس, ەل ۇرى-قارىلاردىڭ ەسٸمٸن بٸلۋٸ تيٸس", - دەگەن باپي.
بۇعان دەيٸن DALA INSIDE تەلەگرام ارناسى "جاڭا قازاقستان ەلييا نازارباەۆاعا جاقىنداپ كەلەدٸ" دەپ جازعان.
"روپ وپەراتورىنا قاتىستى بٸرٸنشٸ پرەزيدەنت نۇرسۇلتان نازارباەۆتىڭ كەنجە قىزى ەلييا نازارباەۆانىڭ ٷستٸنەن ٸس قوزعاۋ تۋرالى پٸكٸر الماسۋلار جٷرۋدە. ونىڭ فابۋلاسى, بارلىعى دايىن. تەك ناقتى ساياسي سيگنال كەرەك", - دەپ حابارلاعان ەدٸ DALA INSIDE.
تولىق نۇسقاسى وسى تۇستا: https://t.me/dalainside/1487
https://dalanews.kz/sadak/93948-antivirus-mafiiasy-reseylikterding-as
