Antikordyń ókili Qanat Súleimenovtiń aitýynsha agenttiktiń atsalysýymen osy kúnge deiin sheteldik bankterdiń sandyǵynda saqtaýly jatqan 856 mlrd teńge (1,8 mlrd dollar, red.) keri oralǵan.
Sonyń ishinde Nazarbaevtyń sút kenjesi Áliia Nazarbaevaǵa tiesili atyshýly "Operator ROP" 180 mlrd teńgeni memlekettiń esep-shotyna aýdarǵan.
ROP operatorynyń halyq pen memleketten alǵan qarjysy talan-tarajǵa salynǵanda, onyń negizgi paidaqory Áliia Nazarbaeva boldy degen kúdik bar.
Antikor alys-jaqyn sheteldegi halyqqa tiesili aqshany qazynaǵa qaitarý naýqanyn údete túspek. Qanat Súleimenovtiń málim etkenindei jyl aiaǵyna taman bul soma taǵy 180 mlrd teńgege tolyǵady. Jinaqtai kele jyl aiaǵyna deiin Jańa Qazaqstan 1,036 trln teńgeni (2,173 mlrd dollar, red.) elge qaitarýy tiis.
Mamyr aiynda ǵana Bas prokýror Berik Asylov elge 760 milliard teńgeden astam aktivter qaitarylǵanyn, onyń 264 milliard teńgesi sheteldik iýrisdiktsiialardan alynǵanyn habarlaǵan. Onyń ishinde 14 million dollardy tuńǵysh prezidenttiń nemeresi inisi Qairat Satybaldyuly sanap bergen.
Al depýtat Ermurat Bapidiń aitýynsha ótken otyz jyldaǵy shetel asqan aqshanyń kólemi 150 mlrd dollarǵa jýyqtaidy.
"Osynshama kapitaldyń túpki benefitsiary kim? Bas prokýrorǵa qulaqqaǵys, el ury-qarylardyń esimin bilýi tiis", - degen Bapi.
Buǵan deiin DALA INSIDE telegram arnasy "Jańa Qazaqstan Áliia Nazarbaevaǵa jaqyndap keledi" dep jazǵan.
"ROP operatoryna qatysty birinshi prezident Nursultan Nazarbaevtyń kenje qyzy Áliia Nazarbaevanyń ústinen is qozǵaý týraly pikir almasýlar júrýde. Onyń fabýlasy, barlyǵy daiyn. Tek naqty saiasi signal kerek", - dep habarlaǵan edi DALA INSIDE.
Tolyq nusqasy osy tusta: https://t.me/dalainside/1487
https://dalanews.kz/sadak/93948-antivirus-mafiiasy-reseylikterding-as
