شەرزات بولاتتىڭ اكەسى قارجاۋباي نۇرىموۆ پرەزيدەنت قاسىم-جومارت توقايەۆقا ۇندەۋ جاساپ، كومەك سۇرادى، - دەپ حابارلايدى Dalanews.kz Ulysmedia.kz-كە سىلتەپ.
قارجاۋباي نۇرىموۆتىڭ ۇندەۋىن قارىنداسى پەريزات نۇرىموۆا وقىپ بەردى.
- قۇرمەتتى پرەزيدەنت مىرزا، كونستيتۋسيا كەپىلى رەتىندە سىزدەن ءادىل سوت سۇرايمىن. باۋىر ەتىم باۋىرىم مەن ۇلىمدى جوعالتىپ، بولىپ جاتقان ادىلەتسىزدىككە قارسى كۇرەستىم. ءوزىمنىڭ وتباسىمدى، جاقىندارىمدى قورعاۋعا تىرىستىم. ەشقاشان دۇربەلەڭگە جانە جامان نارسەلەرگە ۇگىتتەگەن ەمەسپىن. جەلتوقساندا تەك ءىنىمنىڭ ءىسى ءادىل تەرگەلۋىن تالاپ ەتۋگە تىرىستىم. بۇعان دەيىن ورنىن بوساتقاندار - ەسكى جۇيەنىڭ قالدىعى. سوندىقتان ادىلەتتى قازاقستانعا سەنە وتىرىپ، كۇرەسۋگە بەل بۋدىم. سىزدەن سوت ادىلەتتى ءوتۋىن سۇرايمىن. قازاقتىڭ ۇلدارى مەن قىزدارى كوشەدە ءولۋى وسىمەن توقتاسىنشى"، - دەپ جازىلعان قارجاۋباي نۇرىموۆتىڭ ۇندەۋىندە.
ايتا كەتەيىك، تالعاردا بىلتىر 10 جەلتوقساندا پوليسيا قارجاۋباي نۇرىموۆتى ۇستاعان ەدى. باۋىرى نۇرقانات عايىپبايەۆتى جەرلەگەننەن كەيىن قارجاۋباي نۇرىموۆ پەن ونىڭ تۋعان-تۋىستارى قۇقىق قورعاۋ ورگاندارى قىزمەتكەرلەرىنەن تاعى دا ءادىل تەرگەۋدى تالاپ ەتكەن ەدى. ۆيدەو الەۋەتتىك جەلىلەردە پايدا بولعان.
نۇرقانات پەن شەرزاتتىڭ تۋعان-تۋىستارى جولعا شىعىپ، بولعان جايتتى بايان ەتىپ، نارازىلىقتارىن جەتكىزگەن بولاتىن.
كەيىن شەرزاتتىڭ اكەسى مەن اپكەسى 15 كۇنگە قامالعانى بەلگىلى بولدى.
12 جەلتوقساندا نۇرىموۆقا قاتىستى ق ر قىلمىستىق كودەكسىنىڭ 202-بابى («بوتەننىڭ مۇلكىن قاساقانا جويۋ نەمەسە ءبۇلدىرۋ») بويىنشا سوتالدى تەرگەۋ باستالعان ەدى.
قارجاۋباي نۇرىموۆ 25 جەلتوقساندا 15 تاۋلىك اكىمشىلىك قاماۋدان بوساتىلدى.
