Sherzat Bolattyń ákesi Qarjaýbai Nurymov Prezident Qasym-Jomart Toqaevqa úndeý jasap, kómek surady, - dep habarlaidy Dalanews.kz Ulysmedia.kz-ke siltep.
Qarjaýbai Nurymovtyń úndeýin qaryndasy Perizat Nurymova oqyp berdi.
- Qurmetti Prezident myrza, Konstitýtsiia kepili retinde sizden ádil sot suraimyn. Baýyr etim baýyrym men ulymdy joǵaltyp, bolyp jatqan ádiletsizdikke qarsy kúrestim. Ózimniń otbasymdy, jaqyndarymdy qorǵaýǵa tyrystym. Eshqashan dúrbeleńge jáne jaman nárselerge úgittegen emespin. Jeltoqsanda tek inimniń isi ádil tergelýin talap etýge tyrystym. Buǵan deiin ornyn bosatqandar - eski júieniń qaldyǵy. Sondyqtan ádiletti Qazaqstanǵa sene otyryp, kúresýge bel býdym. Sizden sot ádiletti ótýin suraimyn. Qazaqtyń uldary men qyzdary kóshede ólýi osymen toqtasynshy", - dep jazylǵan Qarjaýbai Nurymovtyń úndeýinde.
Aita keteiik, Talǵarda byltyr 10 jeltoqsanda politsiia Qarjaýbai Nurymovty ustaǵan edi. Baýyry Nurqanat Ǵaiypbaevty jerlegennen keiin Qarjaýbai Nurymov pen onyń týǵan-týystary quqyq qorǵaý organdary qyzmetkerlerinen taǵy da ádil tergeýdi talap etken edi. Video áleýettik jelilerde paida bolǵan.
Nurqanat pen Sherzattyń týǵan-týystary jolǵa shyǵyp, bolǵan jaitty baian etip, narazylyqtaryn jetkizgen bolatyn.
Keiin Sherzattyń ákesi men ápkesi 15 kúnge qamalǵany belgili boldy.
12 jeltoqsanda Nurymovqa qatysty QR Qylmystyq kodeksiniń 202-baby («Bótenniń múlkin qasaqana joiý nemese búldirý») boiynsha sotaldy tergeý bastalǵan edi.
Qarjaýbai Nurymov 25 jeltoqsanda 15 táýlik ákimshilik qamaýdan bosatyldy.
