شەرزات بولاتتىڭ ٶلٸمٸنە قاتىستى سوت پروتسەسٸندە جەبٸرلەنۋشٸ تاراپتىڭ ادۆوكاتى باعداگٷل اجىعاليەۆا پروكۋرورلار ۇسىنعان كەيبٸر دەلەلدەرگە كٷمەن كەلتٸرٸپ, بٸرقاتار ماڭىزدى جايتتاردى العا تارتتى. بۇل تۋرالى ادۆوكات YouTube-تاعى "گيپەربورەي" ارناسىنا بەرگەن سۇحباتىندا مەلٸمدەدٸ, دەپ حابارلايدى Dalanews.kz.
اجىعاليەۆانىڭ ايتۋىنشا, 29 مامىردا مەملەكەتتٸك ايىپتاۋشىلار قولىنداعى دەلەلدەردٸ كٶرسەتٸپ بولعاننان كەيٸن, جەبٸرلەنۋشٸ تاراپ ٶز زەرتتەۋٸن باستاعان. وسى كەزەڭدە ادۆوكات پروكۋرورلاردىڭ نازارىنان تىس قالعان, جاسىرىن تەرگەۋ ەرەكەتتەرٸنٸڭ جازباسىن سوت نازارىنا ۇسىنعان.
"قاراپايىم تٸلمەن ايتقاندا, بۇل – سوتتالۋشىلاردىڭ كامەراداعى ٶزارا ەڭگٸمەسٸنٸڭ جازباسى, ياعني رەسمي دەلەل. مەن سوت تٶراعاسىنىڭ رۇقساتىمەن سول جازبانىڭ ستەنوگرامماسىن جارييالادىم", – دەيدٸ اجىعاليەۆا.
ادۆوكاتتىڭ سٶزٸنشە, بۇل ەڭگٸمە سوتتالۋشىلار شىناسىل ابزال مەن نۇرقيياس ٸليياسوۆ اراسىندا بولعان.
"ەڭگٸمەدە ابزالدىڭ نۇرقيياسقا: "سەنٸڭ اتقانىڭ تۋرالى ەشقانداي اقپارات جوق قوي!" دەگەنٸ انىق جازىلعان. نۇرقيياس وعان: "مٷمكٸن ۇمىتىپ كەتكەن شىعار, سەن بۇل تۋرالى ەشكٸمگە ايتپا", – دەيدٸ. بۇل ەڭگٸمە ماعان كٷمەندٸ كٶرٸندٸ. ەڭگٸمە قانداي اتۋ جايلى, ونى كٸم جەنە قاشان جاساعان, مۇنى جاسىرىن ۇستاۋعا نە سەبەپ بولدى دەگەن سۇراقتار تۋىندادى", – دەيدٸ ادۆوكات.
اجىعاليەۆا پروكۋرورلاردىڭ دەل وسى ستەنوگراممانى سوتقا ۇسىنباعانىنا تاڭدانىس بٸلدٸردٸ. ونىڭ ايتۋىنشا, ستەنوگرامما سوت ماتەريالدارىندا بولعانىمەن, ونىڭ نەگٸزٸندە جازىلعان ۆيدەوجازبانىڭ ٶزٸ "ديسك زاقىمدالدى" دەگەن سەبەپپەن ٸسكە ەنبەي قالعان.
"سوت پروتسەسٸندە پروكۋرور ەرجان قۇراقباەۆ دەلەل بولاتىن ديسكٸنٸ تابا الماي, سوڭىندا ديسكتٸڭ زاقىمدالعانىن حابارلادى. بٸراق وسى كەزدە پروكۋرور دانا سەرسەنباي ديسك جوعالماعانىن, تەك ٸستەن الىپ تاستالعانىن ايتتى. مەن بۇل جەردە تٷسٸنٸكسٸز جاعداي بار دەپ ويلايمىن, ٶيتكەنٸ ەكٸ پروكۋروردىڭ مەلٸمدەمەسٸ بٸر-بٸرٸنە قايشى كەلدٸ", – دەيدٸ اجىعاليەۆا.
ادۆوكات بۇل جاعدايدى تەرگەۋ ٸسٸنٸڭ ٶرەسكەل كەمشٸلٸگٸ دەپ باعالايدى.
"بۇل ديسكتٸڭ تٷپنۇسقاسى نەگٸزگٸ اقپارات كٶزٸندە ساقتالعانى انىق. ەگەر بٸر ديسك بٷلٸنسە, نەگە باستاپقى جازبادان ەكٸنشٸ ديسككە قايتا كٶشٸرٸپ, دەلەل رەتٸندە ۇسىنباعان? ەگەر بۇل جازبانىڭ سوتتا پايدالانىلمايتىنى الدىن الا بەلگٸلٸ بولسا, ستەنوگراممانى تەرگەۋ حاتتاماسىنان الىپ تاستاۋلارى كەرەك ەدٸ. ال ستەنوگرامما ٸستە بار بولعاندىقتان, مەن ونى جارييا ەتتٸم. ياعني, سوت پروتسەسٸندە جاسىرىن دەرەك اشىلدى", – دەيدٸ ادۆوكات.
اجىعاليەۆانىڭ پٸكٸرٸنشە, سۋديا ەرجان جانۇزاقوۆ تا بۇل جايتقا بەيجاي قاراعان. سوت ماتەريالىنداعى ماڭىزدى قۇجاتتاردىڭ بٸرٸنٸڭ تٷبٸرتەگٸ دە ٸشٸنارا جوق بولىپ شىققان. بٸراق سۋديا بۇل مەسەلەگە نازار اۋدارماعان.
ادۆوكات سوتتا ماڭىزدى رٶل اتقارعان تاعى بٸر دەلەل رەتٸندە كٶلٸك ٸشٸندەگٸ ۆيدەورەگيستراتور جازباسىن اتاپ ٶتتٸ.
"بۇل جازبادا كۋەگەر قىزداردىڭ وقيعادان كەيٸن ەشقانداي شوك جاعدايىندا بولماعانى انىق كٶرٸنەدٸ. ولار قالىپتى جاعدايدا, كٷلٸپ, بولعان جايتتى تالقىلاپ وتىر. تەلەفونمەن سٶيلەسكەندەرٸ دە انىق جازىلعان. ال سوتتا ولار پوليتسيياعا حابار بەرمەگەنٸن "بٸزدە تەلەفون بولعان جوق" دەپ تٷسٸندٸرگەن ەدٸ. بۇل ۆيدەوجازبا ولاردىڭ كۋەلٸكتەرٸن تٷبەگەيلٸ جوققا شىعاردى", – دەيدٸ ادۆوكات.
وسىلايشا, اجىعاليەۆا بۇل جازبا سوت وتىرىسىندا ماڭىزدى دەلەل بولعانىن جەتكٸزدٸ. ۆيدەودا سوتتالۋشىلاردىڭ دا, كۋەگەرلەردٸڭ دە بٸرقاتار سٶزٸ تەرٸسكە شىققان.
سونداي-اق ول پروكۋرورلار مەن تەرگەۋ توبى ٶكٸلدەرٸنٸڭ اراسىندا دا تٷسٸنٸكسٸز جايتتار بولعانىن اتاپ ٶتتٸ.
ەسكە سالايىق, 2024 جىلدىڭ 4 قازانىندا تالعاردا 16 جاستاعى شەرزات بولات قايتىس بولدى. بۇل قازا قوعامدا ٷلكەن نارازىلىق تۋعىزدى. مارقۇمنىڭ تۋىستارى مەن جەرگٸلٸكتٸ تۇرعىندار ەدٸل تەرگەۋدٸ تالاپ ەتٸپ, نارازىلىق شاراسىن ۇيىمداستىرعان ەدٸ. 12 قازان كٷنٸ مارقۇمنىڭ وتباسى تۇرعان ٷي قاساقانا ٶرتەلگەنٸ حابارلاندى. كەيٸن باس پروكۋراتۋرا دا ٶرتتٸڭ ەدەيٸ ۇيىمداستىرىلعانىن مەلٸمدەدٸ. جەرگٸلٸكتٸ بيلٸك وتباسىعا ۋاقىتشا باسپانا مەن كٷزەت بەرٸپ, ٷيدٸ قالپىنا كەلتٸرۋگە ۋەدە ەتتٸ.
وقيعاعا قاتىستى ٸشكٸ ٸستەر مينيسترٸنٸڭ ورىنباسارى باۋىرجان الەنوۆ پەن الماتى وبلىسىنىڭ پروكۋرورى بەرٸك اداموۆ كٸنەلٸلەردٸ انىقتاۋ شارالارىن قولعا العاندارىن مەلٸمدەگەن ەدٸ. تالعاردا قوعامدىق تەرتٸپتٸ ساقتاۋ ٷشٸن ۇلتتىق ۇلان جاساقتارى تارتىلدى.
9 جەلتوقسان كٷنٸ مارقۇم شەرزات بولاتتىڭ جانىندا بولعان ەكەسٸنٸڭ ٸنٸسٸ ٶلٸ تابىلدى. پوليتسييا ونىڭ ٶزٸنە قول جۇمساعانىن حابارلادى.
ال 2025 جىلدىڭ 5 ماۋسىمىندا جەتٸسۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى شەرزات پولاتتىڭ ٶلٸمٸنە قاتىستى ايىپتالعان 9 سوتتالۋشىعا ٷكٸم شىعاردى. سوت پروتسەسٸن سۋديا ەرجان جانۇزاقوۆ جٷرگٸزدٸ.
