شەرزات پولاتتى ءولتىرۋ ءىسى بويىنشا ءوتىپ جاتقان سوت وتىرىسىندا كۇتپەگەن جايت بولدى. ىسكە تىركەلگەن باستى ايعاق – كۇدىكتىلەردىڭ تەرگەۋ يزولياتورىنداعى اڭگىمەسى جازىلعان بەينەجازبا ديسكىسى ءىس ماتەريالدارىنان جوعالىپ كەتكەن، دەپ حابارلايدى Dalanews.kz.
ادۆوكاتتاردىڭ ايتۋىنشا، ۆيدەو جاسىرىن ورناتىلعان كامەرا ارقىلى جازىلعان. وندا ايىپتالۋشىلار – نۇركياس ءىلياس پەن ابزال شىناسىل تەرگەۋگە دەيىنگى قاماۋدا وتىرىپ، شەرزاتتىڭ ءولىمى بولعان تۇنگى وقيعالاردى تالقىلاعان.
سوتتا جابىرلەنۋشى تاراپتىڭ قورعاۋشىلارى بەينەجازبانىڭ ستەنوگرامماسىن وقىپ بەردى. وندا مىناداي ديالوگ جازىلعان:
- الگى ايەلدىڭ كوزى قيىق ەدى، باۋىرىم، – دەيدى ابزال.
- دوسىم، بايقاماپپىن، – دەپ جاۋاپ بەرەدى نۇركياس.
- ول ىشكە ءۇڭىلىپ قارادى… ال ەگەر باسقا جاققا قاراسا شە؟ ءبىزدىڭ ارتتاعى كولىكتەرگە ءتيىپ تە كەتپەگەنى قالاي؟ مەن تاس لاقتىردىم.
- مەن دە لاقتىردىم.
- ءبىر جەرىنە ءدوپ ءتيدى. مەن تاس الىپ، ولاردىڭ ءبىرىنىڭ ارتىنان ەكىنشىسى تۇرعانىن كوردىم. انا جاقتا دا كولىك تۇرعان. مەن لاقتىردىم، مىنا جەرگە ءتيدى.
- ءبىراق سەن اتقانىڭدى ايتپادىڭ عوي. ارينە، ۇمىتقان شىعارسىڭ. ايتپا.
ادۆوكات باعداگۇل اجىعالييەۆا وسى ديالوگقا قاتىستى ايىپتالۋشىلارعا سۇراق قويماق بولعان. الايدا ولار بۇل سوزدەردى وزدەرى ايتپاعاندارىن كەسىپ ايتتى.
جابىرلەنۋشى تاراپ سوتتان №5825 ديسكىنى – سول اڭگىمەنىڭ ءتۇپنۇسقا بەينەجازباسىن – قايتا قاراپ شىعۋدى سۇرادى. الايدا سوت بارىسىندا بۇل ديسك ءىس ماتەريالدارىنان تابىلمادى.
