تالعارداعى جاپپاي توبەلەس كەزىندە قازا تاپقان شەرزات بولاتتىڭ اعاسى نۇرقانات عايىپبايەۆ كوز جۇمارىنىڭ الدىندا حات جازعان، - دەپ حابارلايدى Dalanews.kz.
الماتى وبلىسىنىڭ پوليسيا دەپارتامەنتىنىڭ مالىمەتىنشە، الدىن الا مالىمەتتەرگە سايكەس، ول اسىلىپ، وز-وزىنە قول جۇمساعان.
مارقۇم اعىمداعى جىلدىڭ 4 قازانىندا قايعىلى قازا تاپقان كامەلەتكە تولماعان شەرزات پولاتتىڭ اعاسى ەكەنى انىقتالدى.
تەرگەۋ بارىسىندا مارقۇم تۋىستارىنىڭ بىرىنە وزىنە-وزى قول جۇمساۋ تۋرالى مەسسەندجەردە جىبەرگەن جازباسى انىقتالدى. حابارلامادا ول تۋىسقاندارىمەن قوشتاسىپ، جيەنىنىڭ جانىنا جەرلەۋدى سۇرادى.
بۇل فاكتى بويىنشا قىلمىستىق ءىس قوزعالدى. قازىرگى ۋاقىتتا بارلىق جاعدايلاردى انىقتاۋ ءۇشىن تەرگەۋ امالدارى جۇرگىزىلىپ جاتىر.
بۇعان دەيىن تالعارداعى جاپپاي توبەلەس كەزىندە قازا تاپقان شەرزات بولات تاراپىنىڭ ادۆوكاتى سايدا تاۋەكەلوۆا ءجاسوسپىرىمنىڭ اعاسىنىڭ ءولى تابىلۋىنا قاتىستى مالىمدەمە جاساعان بولاتىن.
سايدا تاۋەكەلوۆا مارقۇمنىڭ اعاسى نۇرقانات عايىپبايەۆ كوز جۇمعانىن راستادى. "چەمودان گوسسەكرەتوۆ" تەلەگرام-ارناسىندا “شەرزات بولاتتىڭ اعاسى توبەلەس كەزىندە قارۋدى ءبىرىنشى الىپ شىققان، سول ءۇشىن ءوزىن ايىپتى سەزىنىپ، وز-وزىنە قول سالعان” دەگەن اقپارات تاراعان.
"مارقۇمنىڭ تەرگەۋ بارىسىندا بەرگەن جاۋاپتارىنان ونىڭ قاتتى قوبالجىعانىن، ءىنىسىنىڭ ولىمىنە ءوزىن كىنالى دەپ ساناعانىن بايقاۋعا بولادى. سۋيسيد جاساۋىنىڭ دا سەبەبى سول بولۋى مۇمكىن"، دەلىنگەن تەلەگرامداعى جازبادا.
ادۆوكات تاۋەكەلوۆا بۇل نۇسقانى جوققا شىعاردى.
پوليسيا دا نۇرقانات عايىپبايەۆتىڭ مەرت بولعانىن راستادى
الماتى وبلىستىق پوليسيا دەپارتامەنتى مالىمەتىنشە، تالعار قالاسىنىڭ ماڭىنان 30 جاستاعى ەر ادامنىڭ دەنەسى تابىلعان. الدىن الا مالىمەتتەرگە سايكەس، ول اسىلىپ، وز-وزىنە قول جۇمساعان.
"مارقۇم بيىل 4 قازاندا قايعىلى جاعدايدا قازا تاپقان كامەلەتكە تولماعان شەرزات بولاتتىڭ اعاسى ەكەنى انىقتالدى. بۇل دەرەك بويىنشا قىلمىستىق ءىس قوزعالدى. ءقازىر بارلىق جاعدايدى انىقتاۋ ءۇشىن تەرگەۋ جۇرگىزىلىپ جاتىر. قىلمىستىق سيپاتتاعى قانداي دا ءبىر بەلگىلەر انىقتالمادى"، - دەپ جازىلعان حابارلامادا.
پوليسيا مارقۇم شەرزات بولاتتىڭ وتباسى بارلىق ۋاقىتتا پوليسەيلەردىڭ قورعاۋىندا بولعانىن مالىمدەدى.
"مارقۇمنىڭ وتباسىنا قاتىستى قانداي دا ءبىر قاۋىپ-قاتەر تىركەلگەن جوق. كۇزەتكەن قىزمەتكەرلەردىڭ سوزىنشە، ەر ادام كۇزەتىلەتىن نىساننان ساعات 23:30-دا شىعىپ، جەكە كولىكپەن كەتكە. تەرگەۋ مۇددەسى ءۇشىن وزگە دە اقپارات جاريالانبايدى"، - دەپ جازىلعان حابارلامادا.
پوليسيا تەك رەسمي دەرەككوزدەرگە سەنۋدى سۇرادى. سونداي-اق، جالعان اقپارات تاراتۋ قىلمىستىق جاۋاپكەرشىلىككە دەيىن اكەلۋى مۇمكىن كەنىن ەسكە سالدى.
ەسكە سالايىق، بۇعان دەيىن تالعاردا جاپپاي توبەلەس بولىپ، سالدارىنان 16 جاستاعى ءجاسوسپىرىم كوز جۇمدى. جانجال جىگىتتىڭ وتباسى جالعا الاتىن دۇكەننەن باستالعان. تۋىستارىنىڭ ايتۋىنشا، دۇكەنگە كەلگەن ساتىپ الۋشى سىرا الىپ، اقشاسىن تولەۋدەن باس تارتقان. وسى جاعدايدان كەيىن توبەلەس باستالعان.
كامەلەتكە تولماعان بالانى ءولتىرۋ دەرەگى بويىنشا الماتى وبلىسىنىڭ پوليسيا دەپارتامەنتى قىلمىستىق ءىس قوزعادى. ءقازىر كۇدىكتىلەر ۇستالىپ، ۋاقىتشا ۇستاۋ يزولياتورىنا قاماۋعا الىنعان.
الماتى وبلىستىق پوليسيا دەپارتامەنتى باستىعىنىڭ مىندەتىن اتقارۋشى شالقاروۆ توبەلەستەن كەيىنقانشا قارۋ تاركىلەنگەنىن دە ايتتى.
ودان كەيىن شەرزاتتىڭ ۇيىنە كۇزەت قويىلدى. كوپ ۇزاماي مارقۇم شەرزاتتىڭ ءۇيى ورتەندى.
