شەنەۋنٸك ەكٸ جىل بويى جەتٸم بالاعا ارنالعان پەتەردە تۇرىپ كەلگەن

اقمولا وبلىسىندا شەنەۋنٸك ەكٸ جىل بويى جەتٸم بالاعا ارنالعان پەتەردە تۇرىپ كەلگەن, - دەپ حابارلايدى Dalanews.kz.

قانداي زاڭسىزدىقتار جاسالعان?

اقمولا وبلىسىنىڭ پروكۋراتۋراسى جەتٸم بالالار مەن اتا-اناسىنىڭ قامقورلىعىنسىز قالعان بالالاردىڭ تۇرعىن ٷي قۇقىقتارىن قورعادى.

قولدانىستاعى زاڭناماعا سەيكەس بۇل ساناتتاعى بالالار تۇرعىن ٷي الۋعا بٸرٸنشٸ كەزەكتە قۇقىلى.   سونىمەن قاتار, جەرگٸلٸكتٸ اتقارۋشى ورگاندار تاراپىنان بالالاردىڭ مەملەكەتتٸك تۇرعىن ٷي قورىنان باسپانا الۋ قۇقىعى بۇزىلعان.

پروكۋراتۋرا مەلٸمەتٸنشە, 33 بالا زاڭسىز تٷردە ەسەپتەن شىعارىلعان, 8 بالا ۋاقىتىندا كەزەككە قويىلماعان, ال 1 بالاعا مٷلدە تۇرعىن ٷي بەرۋدەن باس تارتىلعان.  

"اۋدان ورتالىقتارىنىڭ بٸرٸندە جەتٸم بالاعا ارنالعان پەتەردە ەكٸ جىل بويى مەملەكەتتٸك مەكەمە باسشىسى تۇرعان. قاداعالاۋ اكتٸسٸ بويىنشا پەتەر قايتارىلىپ, بالاعا بەرٸلدٸ, قازٸر باسقا بالالاردىڭ بۇزىلعان قۇقىعىن قالپىنا كەلتٸرۋ شارالارى قابىلدانىپ جاتىر. جۇمىس جالعاسىپ جاتىر", - دەپ جازىلعان حابارلامادا.

بۇعان دەيٸنگٸ جاعداي

ەسكە سالايىق, بۇعان دەيٸن پاۆلودار وبلىسىندا جەتٸم بالاعا تيەسٸلٸ پەتەردە ەكٸمنٸڭ ورىنباسارى تۇرعانى حابارلاندى.

پاۆلودار وبلىسىندا باسشىلىق ەرتٸس اۋدانى ەكٸمٸنٸڭ جاڭادان تاعايىندالعان ورىنباسارىنا جەتٸم بالاعا تيەسٸلٸ پەتەردٸ بەرۋ تۋرالى شەشٸم قابىلداعان. 

باسقارما باسشىسى ەدەپ كەڭەسٸندە ەشتەڭەنٸ جوققا شىعارماعان. ول شەشٸمدٸ ٶز بەتٸنشە قابىلداعانىن ايتىپ, پەتەر كٸلتٸن اۋدان ەكٸمٸنٸڭ ورىنباسارىنا ٶزٸ تابىستاعان.

ەدەپ جٶنٸندەگٸ كەڭەس مٷشەلەرٸ زاڭعا سەيكەس ەرەكەت ەتۋ كەرەگٸن, الايدا ەكٸم ورىنباسارى پەتەردە كٶپ تۇرمايتىنىن ەسكەرٸپ, لاۋازىمدى تۇلعاعا قىزمەتتٸك تالاپتاردى تولىق ورىنداماعانى تۋرالى ەسكەرتۋ تٷرٸندەگٸ تەرتٸپتٸك جازا قولدانۋدى ۇسىنعان.