Aqmola oblysynda sheneýnik eki jyl boiy jetim balaǵa arnalǵan páterde turyp kelgen, - dep habarlaidy Dalanews.kz.
Qandai zańsyzdyqtar jasalǵan?
Aqmola oblysynyń prokýratýrasy jetim balalar men ata-anasynyń qamqorlyǵynsyz qalǵan balalardyń turǵyn úi quqyqtaryn qorǵady.
Qoldanystaǵy zańnamaǵa sáikes bul sanattaǵy balalar turǵyn úi alýǵa birinshi kezekte quqyly. Sonymen qatar, jergilikti atqarýshy organdar tarapynan balalardyń memlekettik turǵyn úi qorynan baspana alý quqyǵy buzylǵan.
Prokýratýra málimetinshe, 33 bala zańsyz túrde esepten shyǵarylǵan, 8 bala ýaqytynda kezekke qoiylmaǵan, al 1 balaǵa múlde turǵyn úi berýden bas tartylǵan.
"Aýdan ortalyqtarynyń birinde jetim balaǵa arnalǵan páterde eki jyl boiy memlekettik mekeme basshysy turǵan. Qadaǵalaý aktisi boiynsha páter qaitarylyp, balaǵa berildi, qazir basqa balalardyń buzylǵan quqyǵyn qalpyna keltirý sharalary qabyldanyp jatyr. Jumys jalǵasyp jatyr", - dep jazylǵan habarlamada.
Buǵan deiingi jaǵdai
Eske salaiyq, buǵan deiin Pavlodar oblysynda jetim balaǵa tiesili páterde ákimniń orynbasary turǵany habarlandy.
Pavlodar oblysynda basshylyq Ertis aýdany ákiminiń jańadan taǵaiyndalǵan orynbasaryna jetim balaǵa tiesili páterdi berý týraly sheshim qabyldaǵan.
Basqarma basshysy ádep keńesinde eshteńeni joqqa shyǵarmaǵan. Ol sheshimdi óz betinshe qabyldaǵanyn aityp, páter kiltin aýdan ákiminiń orynbasaryna ózi tabystaǵan.
Ádep jónindegi keńes músheleri zańǵa sáikes áreket etý keregin, alaida ákim orynbasary páterde kóp turmaitynyn eskerip, laýazymdy tulǵaǵa qyzmettik talaptardy tolyq oryndamaǵany týraly eskertý túrindegi tártiptik jaza qoldanýdy usynǵan.
