«بۇعان دەيىن ونداي توپتاردىڭ ۇستالعانى جايلى ەستىگەن بولارسىزدار. ءقازىر تەرگەۋ شارالارى ءجۇرىپ جاتىر. شامامەن، جەلتوقسان ايىندا ءبارىن ايتىپ بەرەمىز. كىم؟ نە؟ قالاي بولدى؟ ءدال ءقازىر تەرگەۋ ءجۇرىپ جاتقاندىقتان ەشتەڭە ايتا المايمىن. ولار شەكاراداعى جاعدايدى ۋشىقتىرىپ، ەلدى دۇرلىكتىرىپ وتىر. اقپاراتتىق شابۋىل جاساۋدى دا ۇيرەندى»، - دەيدى د.ەرعوجين.
ايتا كەتەيىك، بۇگىندە قىتايدان تاۋار تاسىمالداپ جۇرگەن قازاقستاندىق كاسىپكەرلەر راسىمدەۋ شارالارىن ءوز شەكاراسىندا ەمەس، قىرعىز جەرىندە جاساپ ءجۇر. سەبەبى، ول جاقتا سالىقتىڭ مولشەرى از دەيدى. ال قىرعىستان ەۋرازيالىق ەكونوميكالىق وداققا مۇشە بولعاننان كەيىن ول تاۋاردى قازاقستانعا ەمىن-ەركىن الىپ كەلۋگە بولادى. كاسىپكەرلەر مەملەكەتتىك كىرىستەر كوميتەتىن سالىقتى تىم جوعارى قويادى دەپ كىنالاپ وتىر. جاقىندا وسى ماسەلە «اتامەكەن» ۇلتتىق كاسىپكەرلەر وداعىندا كەڭىنەن قارالعان بولاتىن. سەناتتا وتكەن بۇگىنگى كەزدەسۋدە كوميتەت باسشىسى بۇل ماسەلە جونىندە ناقتى ءارى جان-جاقتى جاۋاپ بەردى.
