شارىن شاتقالىندا ەكوتۋريزم دامىپ, جاڭا ۆيزيت-ورتالىق اشىلدى,- دەپ حابارلايدى Dalanews.kz
شارىن شاتقالىنا ساياحات ەندٸ بۇرىنعىدان دا قولايلى ەرٸ ەكولوگييالىق تۇرعىدا تازا بولا تٷستٸ. «Sharyn» ۆيزيت-ورتالىعى ەسٸگٸن ايقارا اشىپ, قوناقتاردى زاماناۋي سەرۆيسپەن قارسى الىپ جاتىر. ەندٸ تۋريستەر شاتقالدى گولف-كارمەن ارالاپ, كەسٸبي نۇسقاۋشىلاردىڭ سٷيەمەلدەۋٸمەن تابيعاتتىڭ ەرەكشە سۇلۋلىعىن تاماشالاي الادى.
تابيعاتتى قورعاۋ باعىتىنداعى ماڭىزدى جوبالاردىڭ بٸرٸ – «جاسىل دامۋ» اق-مەن بٸرلەسكەن پيلوتتىق جوبا. ونىڭ ماقساتى – ەكولوگييالىق مەدەنيەتتٸ ارتتىرۋ جەنە «تازا تۋريزم» قاعيداسىن قالىپتاستىرۋ.
وسى جوبا اياسىندا پارك اۋماعىندا قوقىستى سۇرىپتاپ جيناۋ جٷيەسٸ ەنگٸزٸلدٸ. ارنايى قوقىس جەشٸكتەرٸ, كونتەينەرلەر جەنە فاندومات قۇرىلعىسى ورناتىلىپ, جينالعان قالدىقتار قايتا ٶڭدەۋگە جٸبەرٸلۋدە. سونداي-اق, تۋريستەرگە بيوىدىراعىش قاپشىقتار تاراتىلىپ, ەكولوگييالىق اقپاراتتىق تاقتالار ورناتىلدى.
پاركتەگٸ ينفراقۇرىلىم دا بٸرتٸندەپ جاڭارىپ كەلەدٸ. 2023 جىلى شارىن شاتقالىنداعى باقىلاۋ ٶتكٸزۋ پۋنكتٸ (بٶپ) تولىق اۆتوماتتاندىرىلىپ, 8 بەينەباقىلاۋ كامەراسى جەنە اۆتوكٶلٸك نٶمٸرلەرٸن انىقتايتىن 2 كامەرا ورناتىلدى. قازٸر پارككە كٸرٸپ-شىعۋ اۆتوماتتى شلاگباۋم ارقىلى جٷزەگە اسادى, ال تٶلەم جاساۋ ٷشٸن KASPI QR جٷيەسٸ ەنگٸزٸلدٸ. شارىن شاتقالىنا ۇيىمداستىرىلعان باسپاسٶز تۋرى بارىسىندا جۋرناليستەر ەكولوگييالىق باستامانى قولداپ, شاتقال اۋماعىندا بوزارشا ٶسٸمدٸگٸنٸڭ تۇقىمىن سەۋٸپ, تابيعاتتى ساقتاۋعا ٶز ٷلەستەرٸن قوستى.
سونداي-اق, ۆيزيت-ورتالىق اۋماعىندا جاس كٶشەتتەر وتىرعىزىلىپ, ۇلتتىق پاركتٸڭ جاسىل جەلەگٸن كٶبەيتۋگە باعىتتالعان شارا جٷزەگە اسىرىلدى. بٷگٸندە ۇلتتىق پارك اۋماعىندا جىل بويى جۇمىس ٸستەيتٸن تٶرت تۋريستٸك باعىت بار. كەلۋشٸلەرگە ىڭعايلى بولۋى ٷشٸن ارنايى دەمالىس ورىندارى, كەرۋەن الاڭدارى, اقپاراتتىق ستەللالار مەن گروتتار ورناتىلعان. بارلىق وسى باستامالار ەكوتۋريزمدٸ دامىتۋعا جەنە تابيعاتىمىزدى ساقتاۋعا باعىتتالعان ٷلكەن قادام بولىپ وتىر.
