ەلەۋمەتتٸك جەلٸلەردە فرانتسييا پرەزيدەنتٸ ەممانۋەل ماكروننىڭ تايلاند كورولٸ ماحا ۆاچيرالونگكورننىڭ الدىندا تٸزە بٷگٸپ تۇرعانى بەينەلەنگەن سۋرەت كەڭٸنەن تارادى. الايدا كەيٸن بۇل فوتوسۋرەتتٸڭ جاساندى ينتەللەكت كٶمەگٸمەن جاسالعان جالعان ماتەريال ەكەنٸ انىقتالدى.
تايلاندتىڭ سىرتقى ٸستەر مينيسترلٸگٸ ەلەۋمەتتٸك جەلٸدە تاراعان اقپاراتتى رەسمي تٷردە جوققا شىعارىپ, فرانتسييا باسشىسى مەملەكەتتٸك ماراپاتتى تاپسىرۋ كەزٸندە ەشقانداي تٸزە بٷگۋ رەسٸمٸن جاساماعانىن مەلٸمدەدٸ.
فەيك سۋرەت مەملەكەتتٸك ساپاردان كەيٸن تاراعان
داۋلى سۋرەت تايلاند كورولٸنٸڭ فرانتسيياعا جاساعان العاشقى مەملەكەتتٸك ساپارىنان كەيٸن جارييالاندى. بيىل ەكٸ ەل اراسىنداعى ديپلوماتييالىق قارىم-قاتىناستىڭ ورناعانىنا 170 جىل تولۋىنا بايلانىستى پاريجدە سالتاناتتى قابىلداۋ ۇيىمداستىرىلعان بولاتىن.
رەسمي مەلٸمەتكە سەيكەس, قابىلداۋ بارىسىندا ەممانۋەل ماكرون تايلاند كورولٸ ماحا ۆاچيرالونگكورنعا فرانتسييانىڭ ەڭ جوعارى مەملەكەتتٸك ناگراداسى – قۇرمەت لەگيونى وردەنٸنٸڭ ٷلكەن كرەستٸن تابىستاعان. ال پاتشايىم سۋتحيدا ۇلتتىق ەڭبەگٸ ٷشٸن وردەنٸنٸڭ ٷلكەن كرەستٸمەن ماراپاتتالعان.
وسى رەسٸمنەن كەيٸن ينتەرنەتتە ماكروننىڭ كورولدٸك جۇپتىڭ الدىندا بٸر تٸزەرلەپ تۇرعانى بەينەلەنگەن سۋرەت تاراي باستادى. جارييالانىمدا بۇل ەرەكەت فرانتسييا پرەزيدەنتٸنٸڭ قۇرمەت كٶرسەتۋ بەلگٸسٸ رەتٸندە سيپاتتالعان.
مىڭداعان ادام سەنٸپ قالعان
جالعان سۋرەت تايلاندتىڭ Facebook سەگمەنتٸندە ٷلكەن تانىمالدىققا يە بولعان. ول ونداعان مىڭ لايك جيناپ, مىڭداعان رەت بٶلٸسٸلگەن.
تايلاندتاعى تەۋەلسٸز فاكتچەكينگ ۇيىمى COFACT مەلٸمەتٸنشە, جارييالانعاننان كەيٸن العاشقى بٸر ساعاتتىڭ ٶزٸندە سۋرەتكە جٷزدەگەن ادام سەنٸپ, قايتا بٶلٸسكەن.
پٸكٸر قالدىرعانداردىڭ بٸر بٶلٸگٸ ماكروندى «ناعىز كٶشباسشى» دەپ اتاپ, ونىڭ بۇل ەرەكەتٸن جوعارى باعالاعان.
رەسمي فوتولار مٷلدە باسقا كٶرٸنٸستٸ كٶرسەتتٸ
تايلاند سىرتقى ٸستەر مينيسترلٸگٸ مۇنداي وقيعا بولماعانىن مەلٸمدەدٸ.
مينيسترلٸك تاراتقان رەسمي فوتوسۋرەتتەردە ەممانۋەل ماكروننىڭ ماراپاتتى كورولگە تٸك تۇرعان كٷيٸندە تابىستاعانى انىق كٶرٸنەدٸ.
سونىمەن قاتار ساراپشىلار ۆيرۋستىق سۋرەتتەن بٸرنەشە سەيكەس كەلمەيتٸن سەتتەردٸ انىقتاعان. اتاپ ايتقاندا, كورول مەن پاتشايىمنىڭ كيٸمٸندەگٸ بٶلشەكتەر رەسمي تٷسٸرٸلگەن فوتولارمەن سەيكەس كەلمەيدٸ.
جاساندى ينتەللەكتتٸڭ ٸزٸ تابىلعان
Euronews-تٸڭ The Cube فاكتچەكينگ توبى سۋرەتتٸ ارنايى ۆەريفيكاتسييا قۇرالدارى ارقىلى تەكسەرگەن.
تەكسەرۋ بارىسىندا سۋرەتتەن SynthID تسيفرلىق بەلگٸسٸ انىقتالعان. بۇل بەلگٸ جاساندى ينتەللەكت ارقىلى جاسالعان كونتەنتتٸ بەلگٸلەۋ ٷشٸن قولدانىلادى. سونداي-اق تالداۋ نەتيجەسٸ سۋرەتتٸڭ OpenAI قۇرالدارىنىڭ كٶمەگٸمەن گەنەراتسييالانعانىن كٶرسەتكەن.
مامانداردىڭ ايتۋىنشا, بۇل – تايلاند كورولدٸك وتباسى تۋرالى جاساندى ينتەللەكت كٶمەگٸمەن جاسالعان العاشقى جالعان ماتەريال ەمەس.
بۇعان دەيٸن دە ەلەۋمەتتٸك جەلٸلەردە كورولدٸڭ ٷلكەن قىزى قايتىس بولدى دەگەن جالعان اقپاراتپەن بٸرگە حانشايىم سيريۆانناۆاريدٸڭ جىلاپ تۇرعان فوتولارى كەڭٸنەن تاراعان. كەيٸن ولاردىڭ دا جاساندى ينتەللەكت ارقىلى جاسالعانى دەلەلدەنگەن.
