2027 جىلدان باستاپ جەدەل مەديتسينالىق جەردەم بارلىق شاقىرتۋعا تەۋلٸك بويى بارمايتىن بولادى. بۇل تۋرالى مەجٸلٸس كۋلۋارىندا دەنساۋلىق ساقتاۋ مينيسترٸ اقمارال ەلنازاروۆا مەلٸمدەدٸ, دەپ حابارلايدى Dalanews.kz.
“جەدەل جەردەم قىزمەتٸنە جىلىنا 8 ميلليوننان استام شاقىرتۋ تٷسەدٸ. ونىڭ 60%-ى – تٶرتٸنشٸ ساناتتاعى قوڭىراۋلار, ياعني ادامدار ٶزدٸگٸنەن اۋرۋحاناعا جەتە الاتىن جاعدايلار. سونىڭ سالدارىنان ٶمٸرٸنە قاۋٸپ تٶنٸپ تۇرعان ناۋقاستارعا جەدەل جەردەم كەشٸگٸپ جەتەدٸ. حالىقارالىق تەجٸريبەنٸ سارالاي وتىرىپ, بٸز بۇل ۇسىنىستى زاڭ جوباسىنا ەنگٸزدٸك. وندا ٶمٸرگە قاۋٸپ تٶندٸرەتٸن جاعدايدىڭ ناقتى انىقتاماسى بەرٸلگەن جەنە قانداي جاعدايدا جەدەل جەردەم شاقىرىلۋى تيٸس ەكەنٸ كٶرسەتٸلگەن. بۇل نورما 2027 جىلدان باستاپ كٷشٸنە ەنەدٸ”, – دەدٸ مينيستر.
جاڭا ٶزگەرٸستەرگە سەيكەس, 103 قىزمەتٸ تٶرتٸنشٸ ساناتتاعى شاقىرتۋلاردى ەمحانالارعا جولدايدى. ياعني, ناۋقاستىڭ جاعدايى تٸكەلەي نەمەسە پوتەنتسيالدى تٷردە ٶمٸرٸنە جەنە دەنساۋلىعىنا قاۋٸپ تٶندٸرمەيتٸن جاعدايدا ەمحانانىڭ موبيلدٸ بريگادالارى قىزمەت كٶرسەتەدٸ. ولار دٷيسەنبٸدەن سەنبٸگە دەيٸن تاڭعى 8:00-دەن كەشكٸ 18:00-گە دەيٸن, ال سەنبٸ كٷنٸ 8:00-دەن 12:00-گە دەيٸن جۇمىس ٸستەيدٸ. قالعان ۋاقىتتا تٶرتٸنشٸ ساناتتاعى شاقىرتۋلاردى دا قوسا العاندا, بارلىق شاقىرتۋلارعا جەدەل جەردەم فەلدشەرلەرٸ بارادى.
