رەسەيدٸڭ تۋۆا رەسپۋبليكاسىندا ٸز-تٷزسٸز جوعالعان ەكٸ مەكتەپ وقۋشىسىن ٸزدەۋ جۇمىستارى تەۋلٸك بويى جالعاسىپ جاتىر. قۇقىق قورعاۋ ورگاندارى, قۇتقارۋشىلار, سٷڭگۋٸرلەر, ەرٸكتٸلەر, سونداي-اق قىزداردىڭ تۋىستارى مەن دوستارى ولاردىڭ سوڭعى رەت بولعان جەرٸ سانالاتىن ەنيسەي ٶزەنٸنٸڭ جاعاسىن مۇقييات تەكسەرۋدە, دەپ حابارلايدى dalanews.kz.
جوعالعانداردىڭ بٸرٸ – ايلانانىڭ اناسى موچۋرگاي شومبۋن جۋرناليستەرگە ٸزدەۋ جۇمىستارىنىڭ بارىسى تۋرالى ايتىپ, ٶزٸن الاڭداتقان جۇمباق تەلەفون قوڭىراۋى جٶنٸندە مەلٸمدەدٸ.
قىزدار ەشكٸمگە ەسكەرتپەستەن كەتكەن
ايلانا مەن امينا 1 شٸلدە كٷنٸ كەشكٸ ساعات 18:00 شاماسىندا سەرۋەندەۋگە شىعىپ, سودان بەرٸ ٷيلەرٸنە ورالماعان. تۋىستارى ولارعا بٸرنەشە رەت حابارلاسقانىمەن, قىزدار تەلەفون كٶتەرمەگەن. وسىدان كەيٸن وتباسى پوليتسيياعا جٷگٸنٸپ, ٸزدەۋ جۇمىستارى باستالعان.
اناسىنىڭ ايتۋىنشا, ايلانا بۇرىن-سوڭدى ەشقاشان ٷيدەن ەسكەرتۋسٸز كەتپەگەن.
"قىزىم قايدا باراتىنىن مٸندەتتٸ تٷردە ايتىپ كەتەتٸن. قوڭىراۋلارعا دا ەردايىم جاۋاپ بەرەتٸن. سول كٷنٸ بٸز باقشادا جٷرگەندە, قۇربىسىمەن سٶيلەسٸپ, ٷيدەن شىعىپ كەتٸپتٸ. ول ٶتە ٷيكٷشٸك بالا, تٸپتٸ كٷندٸزدٸڭ ٶزٸندە جالعىز كٶپ شىقپايتىن", – دەيدٸ اناسى.
قازٸر ٸزدەۋگە ەرٸكتٸلەر, تۋىستار, ەرٸپتەستەر مەن تانىستارى تٷگەل جۇمىلدىرىلعان.
"تەلەفوننان قىزداردىڭ ايقايى ەستٸلگەن"
اناسىنىڭ سٶزٸنشە, ٶزەن جاعاسىنان قىزداردىڭ ۇيالى تەلەفوندارى مەن قىزىنىڭ بٸر اياق كيٸمٸ تابىلعاننان كەيٸن باسقا ەشقانداي زات كەزدەسپەگەن. قىزداردىڭ ٶزدەرٸ دە بايلانىسقا شىقپاعان.
الايدا كەيٸن كٷتپەگەن جەردەن بەيتانىس قىز تەلەفون سوعىپ, كٷمەندٸ جايتتى جەتكٸزگەن.
"كەشە كەشكە بٸر قىز حابارلاستى. ول كٷدٸكتٸ بولۋى مٷمكٸن تانىسىن تاپقانىن ايتتى. تەلەفونمەن سٶيلەسكەن كەزدە ارعى جاقتان قىزداردىڭ ايقايلاعان داۋىسى ەستٸلگەن ەكەن. بٸراق ەلگٸ ەر ادام ونىڭ ٶز ەپكەلەرٸنٸڭ داۋىسى ەكەنٸن ايتقان. الايدا ونىڭ ەپكەلەرٸ جوق ەكەنٸن بەرٸ بٸلەدٸ", – دەيدٸ ايلانانىڭ اناسى.
ەڭ جۇمباق جايت – تەلەفونداردىڭ تٷندە پايدا بولۋى
جوعالعان قىزداردىڭ بٸرٸنٸڭ تۋىسى روزالييا مونگۋشتىڭ ايتۋىنشا, ەڭ كٷمەندٸ جاعدايلاردىڭ بٸرٸ – ۇيالى تەلەفونداردىڭ تابىلۋ ۋاقىتى.
ونىڭ سٶزٸنشە, تۋىستارى قىزداردى ٸزدەپ, ەنيسەي جاعاسىنا العاش كەلگەن كەزدە ەشقانداي تەلەفون بولماعان. ولار تەك تٷندە عانا تابىلعان.
"كەش بويى قىزداردىڭ تەلەفوندارى شاقىرىلىپ تۇردى. بٸراق تٷنگٸ ساعات ٷش شاماسىندا پوليتسييادان "حابارلاسىڭدار" دەگەن SMS جٸبەرٸلگەننەن كەيٸن بٸردەن ٶشٸپ قالدى. كەيٸن تەلەفونداردى تاپقاندا ولاردىڭ قوسۋلى ەرٸ قۋاتى تولىق بولعان. دەمەك, بٸرەۋ ەدەيٸ تەلەفونداردى ٶشٸرٸپ, كەيٸن قايتا قوسقان سيياقتى. بۇل بٸزدٸ قاتتى الاڭداتىپ وتىر", – دەيدٸ ەيەل.
بەينەكامەرا سوڭعى سەتتەرٸن تٷسٸرٸپ قالعان
باقىلاۋ كامەرالارىنىڭ جازباسىندا ايلانا مەن امينانىڭ اشىق تٷستٸ فۋتبولكا مەن كٶگٸلدٸر شولاق شالبار كيٸپ, كٶشەمەن جاي عانا كەتٸپ بارا جاتقانى كٶرٸنەدٸ. وسىدان كەيٸن ولاردى ەشكٸم كٶرمەگەن.
تۋىستارىنىڭ ايتۋىنشا, قىزدار بۇرىن قالاداعى مەكتەپتەردٸڭ بٸرٸنٸڭ ماڭىندا سەرۋەندەگەندٸ ۇناتاتىن. الايدا 1 شٸلدە كٷنٸ دەل سول جەردە بولعان-بولماعانى ەزٸرگە بەلگٸسٸز.
"ٶزەنگە ٶز ەرٸكتەرٸمەن بارۋى ەكٸتالاي"
جاقىندارىنىڭ پٸكٸرٸنشە, جاسٶسپٸرٸمدەردٸڭ ەنيسەيدٸڭ قاۋٸپتٸ جاعالاۋىنا ٶز ەرٸكتەرٸمەن بارعانىنا سەنۋ قيىن. ٶيتكەنٸ ولاردىڭ ەشقايسىسى جٷزە الماعان.
قازٸرگٸ ۋاقىتتا قۇقىق قورعاۋ ورگاندارى مەن قۇتقارۋ قىزمەتتەرٸ قىزداردى كٷندٸز-تٷنٸ ٸزدەۋدٸ جالعاستىرىپ جاتىر. تەرگەۋ بارلىق ىقتيمال نۇسقالاردى قاراستىرۋدا.
