قىزىلوردا وبلىسىنان دينوزاۆردىڭ سۇيەگى تابىلدى، دەپ حابارلايدى Dalanews.kz 24kz-كە سىلتەمە جاساپ.
تەلەارنا مالىمەتىنشە، وبلىستىق تاريحي-ولكەتانۋ مۋزەيىنىڭ ماماندارى قۇندى جادىگەر سوناۋ بور داۋىرىندە مەكەندەگەن تىرشىلىك يەسىنىڭ قاڭقاسى بولۋى مۇمكىن دەگەن بولجام جاساپ وتىر. ەكسپەديسيا قارماقشى اۋدانىنىڭ ورتالىعىنان سولتۇستىككە قاراي 90 شاقىرىم جەردە جۇرگىزىلگەن. بۇل ماڭدى عالىمدار شاح-شاح شاتقالى دەپ اتايدى.
الداعى ۋاقىتتا تابىلعان بۇيىمدار ناقتىلاۋ ءۇشىن پالەونتولوگتارعا جولدانباق. مۋزەيدىڭ عىلىمي حاتشىسى اسحات سايلاۋدىڭ ايتۋىنشا، 1968 جىلى ءدال وسى اۋماقتان "ارالوزاۆر" دەگەن اتاۋمەن عىلىمي اينالىمعا ەنگەن دينوزاۆردىڭ باس سۇيەگى تابىلعان.
"قازاقستاندا پالەونتولوگيالىق كەشەندەر وتە ساناۋلى. سوندىقتان كەشەگى تابىلعان جادىگەرلەردىڭ كوبى - باعا جەتپەس قۇندى جادىگەرلەر. الداعى ۋاقىتتا پالەونتولوگتارمەن جۇمىس ىستەيمىز. بۇل ۇلكەن سەنساسيالىق جاڭالىق بولىپ تۇر. جالپى كەلەشەكتە بۇل جەر - تۋريستىك نىسانعا اينالدىرۋعا ءتيىستى جەرلەردىڭ ءبىرى"، - دەدى تاريحي-ولكەتانۋ مۋزەيىنىڭ عىلىمي حاتشىسى اسحات سايلاۋ.
