ساياساتتانۋشى ەربول ەدٸلوۆ قازاقستاندا ەكٸ پالاتالى جٷيەدەن بٸر پالاتالى پارلامەنتكە كٶشۋ باستاماسىنا قاتىستى پٸكٸر بٸلدٸردٸ. ونىڭ ايتۋىنشا, بۇل رەفورما ەل ٷشٸن دە, قوعام ٷشٸن دە ماڭىزدى مٷمكٸندٸكتەرمەن قاتار بەلگٸلٸ بٸر تەۋەكەلدەرگە دە ەكەلۋٸ مٷمكٸن, دەپ حابارلايدى Dalanews.kz.
ەدٸلوۆتٸڭ سٶزٸنشە, ەڭ الدىمەن زاڭ شىعارۋ پروتسەسٸ جەدەلدەيدٸ.
"قازٸر زاڭدار مەجٸلٸس پەن سەنات اراسىندا كٸدٸرٸپ قالادى. بٸر دەڭگەيلٸ جٷيە رەفورمالاردى جىلدامداتۋعا مٷمكٸندٸك بەرەدٸ", – دەدٸ ول.
سونىمەن قاتار, سەناتتى ۇستاۋ شىعىنى ازايادى, ال پارلامەنت كەسٸبي ەرٸ كەڭ قۇزىرەتتٸ بولۋى تيٸس.
ساياساتتانۋشى سونداي-اق پرەزيدەنتتٸڭ جاڭا پارلامەنتتٸ تەك پارتييالىق تٸزٸمدەر بويىنشا سايلاۋ ۇسىنىسىنا توقتالدى. ونىڭ پٸكٸرٸنشە, بۇل شەشٸم قاي پارتييا ناقتى جاۋاپتى ەكەنٸن ايقىنداپ, ساياسي جٷيەنٸڭ اشىقتىعىن ارتتىرادى.
سونىمەن قاتار سىنشىلاردىڭ الاڭداۋشىلىعى بار. ولاردىڭ ويىنشا, سەنات جويىلسا, ٶڭٸرلەردٸڭ مٷددەسٸ تولىق ەسكەرٸلمەي قالۋى مٷمكٸن, ال ەلسٸز پارتييالىق جٷيە جاعدايىندا پارلامەنت اتقارۋشى بيلٸككە تەۋەلدٸ بولىپ كەتۋ قاۋپٸ بار.
"بۇل قاۋٸپتەردٸ جوققا شىعارۋعا بولمايدى. سوندىقتان جاڭا زاڭدى جان-جاقتى تالقىلاپ, قوعامدى, ساراپشىلاردى, ازاماتتىق بەلسەندٸلەردٸ كەڭٸنەن تارتۋ قاجەت", – دەدٸ ەدٸلوۆ.
ونىڭ پٸكٸرٸنشە, ەڭ ماڭىزدىسى – حالىقتىڭ سەنٸمٸ مەن قاتىسۋى.
"پارلامەنت رەفورماسى – جاي تەحنيكالىق ٶزگەرٸس ەمەس, ول ازاماتتاردىڭ باسقارۋعا شىن مەنٸندە ارالاسۋىنا جول اشۋى تيٸس. ەگەر قوعام شەت قالسا, رەفورما "قاعاز جٷزٸندە" قالىپ قويۋى مٷمكٸن", – دەپ تٷيٸندەدٸ ساياساتتانۋشى.
