دەپۋتاتتار قازۇۋ باسشىلىعى، وقىتۋشى جانە ستۋدەنتتەرمەن كەزدەسۋ اياسىندا الەۋمەتتىك-ەكونوميكالىق باعدارلامالار مەن ەلباسىنىڭ بەس الەۋمەتتىك باستاماسىن ىسكە اسىرۋدىڭ ماقساتتارى مەن مىندەتتەرى تۋرالى ايتىپ، ۋنيۆەرسيتەتتىڭ عىلىمي-يننوۆاسيالىق قىزمەتىمەن تانىستى، جانە جاعداياتتىق باسقارما مەن «جاسىل تەحنولوگيالار» ورتالىعىندا بولدى.
«قازۇۋكلاسسيكالىق ۋنيۆەرسيتەتتەن الەمدىك دەڭگەيدەگى زەرتتەۋ ۋنيۆەرسيتەتىنەاينالىپ، حالىقارالىق رەيتينگتە بەلسەندىلىك تانىتىپ كەلەدى. بۇل ۋنيۆەرسيتەت ۇجىمىنىڭ الەمدەگى ەڭ ۇزدىك 200 جوو تىزىمىنە ەنۋ تۋرالى ەلباسى قويعان مىندەتتەردى ورىنداۋعا دەگەن سەنىمىن ارتتىرادى. بيىلعى جىلى ۋنيۆەرسيتەتكە 10 مىڭنان اسا تالاپكەت ءتۇستى. ونىڭ ىشىندە 6،6 مىڭى ءبىلىم گرانتىن يەلەنگەن قازاقستان مەكتەپتەرىنىڭ ۇزدىك تۇلەكتەرى. بۇل رەكوردتىق كورسەتكىش ۋنيۆەرسيتەتكە دەگەن جوعارى سەنىم مەن ونىڭ تانىمالدىلىعىن راستايدى»، - دەدى سەنات دەپۋتاتى دينار نوكەتايەۆا.
قازۇۋ رەكتورى اكادەميك عالىم مۇتانوۆ دەپۋتاتتاردى «جاسىل تەحنولوگيالار» ورتالىعىندا بولاشاق ەنەرگەتيكا سالاسىنداعى عالىمدار مەن ستۋدەنتتەردىڭ جەتىستىكتەرىمەن تانىستىردى. مۇندا ەكسپو-2017 مۇراسىن دامىتۋ بويىنشا ەنەرگيا الۋدىڭ بالامالى يننوۆاسيالىق تەحنولوگيالارى: جەل، كۇن، گيدرو مەن گەوتەرمالدىق، بيوگاز جانە باسقا دا سۋتەكتىك ەنەرگەتيكانى قولدانۋ ارقىلى جاسالاتىن جوبالار جۇزەگە اسىرىلادى. ورتالىقتا وقۋدان باسقا، ستۋدەنتتەر مەن جاس عالىمدار عىلىمي زەرتتەۋلەر جۇرگىزىپ مول تاجىريبە جيناقتايدى.
ق ر پارلامەنتى سەناتىنىڭ دەپۋتاتتارىنا قازۇۋ-دىڭ IT-تەحنولوگيالار سالاسىنداعى جانە كامپۋستىڭ ساندىق ينفراقۇرىلىمىن قۇرۋ جوبالارى ۇسىنىلدى. جاعداياتتىق باسقارۋ ورتالىعىندا ۋنيۆەرسيتەت قىزمەتىنىڭ بارلىق باعىتتارىن قامتيتىن ۋنيۆەرسيتەتتى باقىلاۋدىڭ اقپاراتتىق-ساراپتامالىق جۇيەسىنىڭ مۇمكىندىكتەرى كورسەتىلدى. سونداي-اق ولار سىبايلاس جەمقورلىققا جول بەرمەۋدە ۋنيۆەرسيتەت ەنگىزگەن جاتاقحاناداعى ورىنداردى ونلاين تاراتۋ جۇيەسىمەن دە تانىستى.
قازۇۋ-عا ءىسساپارى اياسىندا حالىق قالاۋلىلارى «ساندىق قازاقستان» باعدارلاماسىن ىسكە اسىرۋدا ءبىلىم بەرۋ ۇردىسىنە IT-تەحنولوگيالاردى ەنگىزۋ، جاسىل تەحنولوگيالار مەن بالامالى ەنەرگەتيكا سالاسىنداعى يننوۆاسيالىق قىزمەتتى دامىتۋ، كاسىپ پەن عىلىم اراسىنداعى قاۋىمداستىق، عالىمداردىڭ عىلىمي ازىرلەمەلەرىن كوممەرسيالاندىرۋ بويىنشا جوعارى بىلىكتى مامانداردى دايارلاۋ ماسەلەلەرىن تالقىلاندى.
