سەنات تٶراعاسى: «ٷيدٸ قۇنىن ارازانداتىپ, ساپاسىن تٶمەندەتٸپ تاستاعان!»
سەنات وتىرىسىندا ٷكٸمەت پەن ەسەپ كوميتەتٸنٸڭ 2020 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەپتەرٸن قاراعان دەپۋتاتتار وسى مەسەلەگە نازار اۋداردى.
باعدارلامانى ٸسكە اسىرۋ كەزٸندە ەلەۋمەتتٸك از قامتىلعان وتباسىلارعا ارنالعان جالدامالى باسپانا قۇرىلىسى كٶزدەلگەن كٶرسەتكٸشتٸڭ 50 پايىزىنا دا جەتپەگەنٸ بەلگٸلٸ.
رەسپۋبليكالىق ماڭىزى بار قالالاردا جۇمىس ٸستەيتٸن جاستارعا ارنالعان جالدامالى باسپانا سالۋ جۇمىسىندا دا جاعداي وسىنداي.
سەنات تٶراعاسى بۇل ٶتە ٶزەكتٸ مەسەلە ەكەنٸن ايتىپ, مۇنداي كەمشٸلٸكتەردٸڭ نەگٸزگٸ سەبەپتەرٸن اتاپ ٶتتٸ.
– بۇل بٸرٸنشٸدەن, جوسپاردىڭ دۇرىس جاسالماعانىن كٶرسەتەدٸ. ياعني, الدىن الا ساراپتامالار تيٸستٸ دەڭگەيدە جٷرگٸزٸلمەگەن. ەكٸنشٸدەن, مونيتورينگتٸڭ ەلسٸز بولعانىن بٸلدٸرەدٸ. مۇنداي ەلەۋمەتتٸك ماڭىزى بار ٸستە باقىلاۋ تۇراقتى ەرٸ كەشەندٸ تٷردە جٷرگٸزٸلۋٸ كەرەك. ٷشٸنشٸدەن, ساپا مەسەلەسٸ. ٷيدٸڭ باعاسىن ارزانداتامىز دەپ ساپا جاعىن تٶمەندەتٸپ الدىق. وسىعان وراي حالىق تاراپىنان دا نارازىلىقتار تۋىپ جاتادى. مۇنداي مەسەلەلەردٸ شەشۋ ٷشٸن جٷيەلٸ جۇمىس جٷرگٸزۋ كەرەك. بۇل رەتتە دەپۋتاتتار زاڭنامالىق تۇرعىدان قولداۋ كٶرسەتۋگە دايىن, – دەدٸ مەۋلەن ەشٸمباەۆ.
