ولار ٶز ٸستەرٸنٸڭ بٸلگٸرٸ رەتٸندە ەدەتتەگٸدەي وقۋشىلارمەن جٷزدەسٸپ, بٸلگەنٸن ٷيرەتۋدە. تەك بۇل جولعى ساباقتار ونلاين فورماتتا جٷرگٸزٸلۋدە. بۇل مۇعالٸمدەردٸڭ جاڭا دٷنيەنٸ مەڭگەرۋٸنە جول اشۋدا.
سونىڭ بٸرٸ – سەمەي قالاسىنداعى نازارباەۆ زيياتكەرلٸك مەكتەبٸنٸڭ قازاق تٸلٸ مەن ەدەبيەتٸ پەنٸنٸڭ وقىتۋشىسى ۇلپان قامبەلوۆا. جاس مامان ٶز وقۋشىلارىن ساعىنىپ قالعانىن جاسىرمايدى.
ۇلپان قاشىقتىقتان وقىتۋ ٷردٸسٸنە بايلانىسى ٶز پٸكٸرٸمەن بٶلٸسٸپ ٶتتٸ.
– جاسىرارى جوق العاشقىدا قاشىقتىقتان وقىتۋعا ٷيرەنە الماي, قاتتى قينالدىق. الايدا ۋاقىت ٶتە كەلە بۇل ٷردٸستٸ ەركٸن مەڭگەرٸپ الدىق. قاشىقتىقتان وقىتۋدىڭ ارتىقشىلىقتارى بار ەكەنٸنە كٶزٸم جەتتٸ.
بىلايىنشا اسا بٸر ايىرماشىلىق تا بايقالمايدى. ساباعىڭا تىڭعىلىقتى دايىندالىپ, وقۋشىلارعا ٷيرەتەر دٷنيەلەردٸ سايلاپ قويۋعا تيٸسسٸڭ. بۇل بٸز ٷشٸن ٷيرەنشٸكتٸ جاعداي. بارلىق قۇرال-جابدىعىمىز, ساباققا ارنالعان ماتەريالدار ەر كەزدە ساقاداي-ساي.
جالعىز ەرەكشەلٸگٸ - وقۋ ونلاين فورماتتا ٶتەدٸ. پٸكٸرتالاس نەگٸزٸندە ٶتەتٸن ساباققا وقۋشىلار دا بەلسەندٸ اتسالىسۋدا. ولار ٶز يدەياسىمەن بٶلٸسٸپ, ساباق تاپسىرمالارىن ۋاقىتىندا ورىنداۋدا.
مەنٸڭشە قاشىقتىقتان وقىتۋ ەلٸمٸزدەگٸ وقۋ ٷردٸسٸن جەتٸلدٸرە تٷسەتٸن باستامالاردىڭ بٸرٸ, – دەيدٸ ۇلپان قامبەلوۆا.
ۇلپان ٶز مامانداعىنا ادال ۇستازدىڭ بٸرٸ. ٶمٸرٸن وسى كەسٸپپەن بايلانىستىرىپ, جەتٸستٸككە جەتۋدٸ كٶزدەيدٸ. وقۋ-بٸلٸم سالاسىنداعى ٶزگەرٸستەر مەن جاڭاشىل باستامالاردى تەز مەڭگەرٸپ الادى.
"قازٸرگٸ ٶتپەلٸ قيىندىققا بولا ەڭسەنٸ تٷسٸرمەۋٸمٸز كەرەك", – دەيدٸ ۇستاز.
