Olar óz isteriniń bilgiri retinde ádettegidei oqýshylarmen júzdesip, bilgenin úiretýde. Tek bul jolǵy sabaqtar onlain formatta júrgizilýde. Bul muǵalimderdiń jańa dúnieni meńgerýine jol ashýda.
Sonyń biri – Semei qalasyndaǵy Nazarbaev ziiatkerlik mektebiniń qazaq tili men ádebieti pániniń oqytýshysy Ulpan Qambelova. Jas maman óz oqýshylaryn saǵynyp qalǵanyn jasyrmaidy.
Ulpan qashyqtyqtan oqytý úrdisine bailanysy óz pikirimen bólisip ótti.
– Jasyrary joq alǵashqyda qashyqtyqtan oqytýǵa úirene almai, qatty qinaldyq. Alaida ýaqyt óte kele bul úrdisti erkin meńgerip aldyq. Qashyqtyqtan oqytýdyń artyqshylyqtary bar ekenine kózim jetti.
Bylaiynsha asa bir aiyrmashylyq ta baiqalmaidy. Sabaǵyńa tyńǵylyqty daiyndalyp, oqýshylarǵa úireter dúnielerdi sailap qoiýǵa tiissiń. Bul biz úshin úirenshikti jaǵdai. Barlyq qural-jabdyǵymyz, sabaqqa arnalǵan materialdar ár kezde saqadai-sai.
Jalǵyz ereksheligi - oqý onlain formatta ótedi. Pikirtalas negizinde ótetin sabaqqa oqýshylar da belsendi atsalysýda. Olar óz ideiasymen bólisip, sabaq tapsyrmalaryn ýaqytynda oryndaýda.
Menińshe qashyqtyqtan oqytý elimizdegi oqý úrdisin jetildire túsetin bastamalardyń biri, – deidi Ulpan Qambelova.
Ulpan óz mamandaǵyna adal ustazdyń biri. Ómirin osy kásippen bailanystyryp, jetistikke jetýdi kózdeidi. Oqý-bilim salasyndaǵy ózgerister men jańashyl bastamalardy tez meńgerip alady.
"Qazirgi ótpeli qiyndyqqa bola eńseni túsirmeýimiz kerek", – deidi ustaz.
