«دوڭگەلەك ۇستەلگە» ZOOM پلاتفورماسى ارقىلى قاتىسقان جۋرناليستەر كوكەيدەگى سۇراقتارىن قويۋعا ۇمتىلعان ساتتە شارانى ۇيىمداستىرۋشىلار ميكرافوندى ءوشىرىپ، جۋرناليستەر قاۋىمنىڭ «اۋىزىن جاۋاپ» تاستاپتى.
سەيمەي قالاسىنداعى ساياسي ۇپاي جيناۋدى كوكسەكگەن كاسىپكەرلەر مەن بەلسەندىلەر ءوزارا جينالىپ، ءبارى ءبىر اۋىزدان جەرگىلىكتى بيلىك ورىندارىن سىنعا الىپ، حالىق الدىندا وزدەرىنىڭ تانىمالدىعىن ارتتىرۋعا كۇش سالعان.
ەگەر شارانى ۇيىمداستىرۋشىلار شىنىمەن دە سەمەي قالاسىنىڭ تاعدىرىنا جاندارى اشىسا، باسقوسۋعا جەرگىلىكتى بيلىك ورىندارىنىڭ وكىلدەرىن شاقىرىپ، ورتاق ماسەلەنى بىرلەسىپ تالقىلاۋى كەرەك ەدى. وكىنىشكە وراي، شارادان كونسترۋكتيۆتى ديالوگ قۇرۋدى جاقتاۋشىلار بولماعان. بۇل اششى دا بولسا شىندىق.
ءبىر سوزبەن ايتساق سەمەيدە الاۋلاتىپ، جالاۋلاتىپ وتكەن «دوڭگەلەك ۇستەلگە» وزدەرىنىڭ جۇمىسىن دۇرىس جۇرگىزە الاماعان، مەملەكەتتىڭ ساتىپ الۋلاردا «جولى بولماعان» ءبىراز ادام قاتىسىپ، وكپەلەرىن ايتىپ، شەر تارقاتتى دەسەك بولادى. وسىلايشا ولار جەرگىلىكتى بيلىك ورىندارىنىڭ جۇمىسىن ىسكە العىسىز قىلىپ، بارىنشا قارالاۋعا تىرىسىپ باقۇان.
باسقاوسۋدا و باستاعى رەگلامەنتى بويىنشا ءاربىر بايانداماشىدان كەيىن جيىنعا قاتىسۋشىلاردىڭ سۇراق قويۋىنا قاقىسى بار ەدى. ءبىراق قالانىڭ دامۋىنان بۇرىن وزدەرىنىڭ باس پايداسىن كۇيتتەگەن توپ جيىن بارىسىندا بىر-بىرىنە مۇلدە سۇراق قويعان جوق.
ايتپاقشى، «سەمەي تاڭى» گازەتىنىڭ ءجۋرناليستى ريزا مولداشيەۆا ZOOM ارقىلى «قالانىڭ دامۋىنا قاتىستى ماڭىزدى باسقوسۋعا ەڭ قۇرماعاندا ءماسليحات دەپۋتاتتارىن شاقىرمادىڭىزدار؟» دەپ سۇراق قويعاندا ونىڭ ميكرافونىن دەرەۋ ءوشىرىپ، سۇراعىن جاۋاپسىز قالدىردى. بۇدان كەيىن جۋرناليستەردىڭ ساۋال قويۋعا ءتىپتى مۇمكىندىگى بولمادى. تەك «دوڭگەلەك ۇستەلدى» باقىلاۋشى رەتىندە قاتىستى.
ايتا كەتۋىمىز كەرەك باسقوسۋدى ۇيىمداستىرۋشىلار سەمەي قالاسىنداعى وزەكتى ماسەلەلەردى تالقىلاپ قانا قويماي، سونىمەن قاتار ولاردى وڭ باعىتتا شەشۋ جولدارىن دا ۇسىناتىندارىن و باستا ايتقان ەدى. وكىنىشكە وراي، شارانى سىرتتاي باقىلاعان جۋرناليستەر وكپەشىل توپتىڭ وزەكتى ماسەلەلەرگە قاتىستى كوكەيگە قوناتىنداي اڭگىمە ايتپاعانىن بايقادى. «دوڭگەلەك ۇستەلگە» قاتىسۋشىلار ءبىر اۋىزدان كەلسىپ العانداي... جەرگىلىكتى بيلىك ورىندارىن ارمانسىز سىناپ، قارا بوياۋدى قالىڭداتا جاعاۋعا كۇش سالدى.
ايتالىق، سەمەيدەگى قاتتى تۇرمىستىق قالدىقتاردى تاستايتىن پوليگوننىڭ قازىرگى ديرەكتورى قالادا ەۋروپالىق قايتا قۇرۋ جانە دامۋ بانكى ۇسىنعان پوليگونعا ۇقسامايتىن باسقا پوليگون سالۋ كەرەك دەپ ۇسىنىس ايتقان بولدى. ءبىراق جينالعان قاۋىم «جاڭا پوليگون قانداي بولۋى كەرەك» دەپ سۇراق قويىپ، بۇل ماسەلەنى تالقىلاعان جوق. وسى تۇستا ءوز مۇددەسىن كوكسەگەن ادامدارعا ەشقانداي جوبا ۇنامايتىنىن انىق اڭعارعانداي بولدىق.
بۇدان كەيىن دسۋ-14 مەكەمەسىنىڭ جەتەكشىسى الەكساندر فەدوسوۆ سەمەي قالاسىن بىلاي قويىپ، وبلىستاعى مەملەكەتتىك ساتىپ الۋلاردىڭ ءبارى ءبىر كوزدەن ۇيىمداستىرىلاتىنىن ايتىپ، سىن ايتتى. سونداي-اق ول سەمەي قالاسىنداعى قۇرىلىس نىساندارىن «فيرما ازيا» قۇرىلىس كومپانياسى سالىپ جاتقانىنا نارازى ەكەنىن دە جەتكىزدى.
فەدوسوۆ مىرزانىڭ دسۋ-14 مەكەمەسىنىڭ وتكەن جىلى تەكسەرۋ جۇرگىزىلگەندە كوپتەگەن زاڭبۇزۋشىلىقتار انىقتالعان-دى. ەندى زاڭدى بەلدەن باسقان مەكەمەنىڭ باسشىسى قوعام الدىنداعى ايىبىن سەزىنبەي، وزىنە باسەكەلەس كومپانيانى قارالاپ، جۇرت الدىندا بەدەل جيناۋعا كوشكەنىن كورگەندە تاڭقالدىق. فەدوسوۆ مىرزا ءسوز قىلعان «فيرما ازيا» قۇرىلىس كومپانياسى سەمەي قالاسىندا قاراعايلى اۋدانىندا ساپالى كوپقاباتتى تۇرعىن ۇيلەر سالىپ، قالا تۇرعىندارىنىڭ العىسىنا يە بولعان بولاتىن.
ال «مەدتەحنيكا» سەرىكتەستىگىنىڭ ديرەكتورى، كاسىپكەر باحتيار ساپييەۆ مىرزا دا ويىن ايتتى. ول سەمەي قالاسىنداعى يادرولىق مەديسينا ورتالىعىنا قاجەتتى تەحنيكالىق قۇرال-جابدىقتار ساتىپ الىنباعىنان، بۇل ءۇشىن وبلىس ءبىر تيىندا بولگەنىنە قىنجىلىسىن ءبىلدىردى.
ءيا، بۇگىندە سەمەي قالاسىنداعى يادرولىق مەديسينا ورتالىقتىڭ ماسەلەسى كۇردەلى كۇيىندە قالىپ وتىرعانى راس. وسى ماسەلەنى شەشۋ ءۇشىن ۇكىمەتتىك كوميسسيا قۇرىلىپ، ءىس سوتتىڭ بارلىق ەتاپتارىنان ءوتىپ، ەڭ سوڭىندا ورتالىق قۇرىلىسى قويىلعان تالاپتارعا ساي سالىنباعىنان، قىزمەتكەرلەردىڭ ومىرىنە ءقاۋىپتى ەكەنىن العا تارتىپ، ورتالىقتىڭ قۇرىلىسىنا دەمونتاج جاساۋ كەرەكتىگىن جايىندا شەشىم شىعارعان بولاتىن. ونى ب.ساپييەۆتىڭ بىلمەۋى مۇمكىن ەمەس.
تالاپقا ساي سالىنباعىن ورتالىققا وبلىس قالايشا قىمبات مەديسينالىق تەحنيكالار ساتىپ الاتىنى تۇسىنىكسىز. ساپييەۆ مىرزا سول جاعىن نەگە اشىپ ايتپاعانى تۇسىنىكسىز كۇيىندە قالدى.
وسىلايشا سەمەي تورىندە ۇيىمداستىرىلعان «دوڭگەلەك ۇستەل» جەرگىلىكتى بيلىك ورىندارىنا ءتىسىن قايراپ جۇرگەن ءبىراز كاسىپكەر مەن بەلسەندىلەردىڭ ارمانسىز شەر تارقاتۋىنا اينالىپ كەتتى. ءيا، سەمەي قالاسىندا ءتۇيىنى تارقاماعان ماسەلەلەر بار. وكىنىشكە وراي، «دوڭگەلەك ۇستەلدەن» سول ماسەلەلەردى شەشۋگە قاتىستى كوكەيگە قونىمدى بىردە-بىر اڭگىمە ايتىلعان جوق.
